Umuyobozi wa Radio Amazing Grace ishinjwa gusebya abagore yatunguwe no gusanga urubanza rwe rwaraye rusomwe nyamara ubushije ubwo urubanza rwasubikwaga ,umucamanza yarababwiye ko rwimuriwe ku itariki ya 10 Ukwakira 2018.

Ubwo kuri uyu wagatatu bageraga kurukiko rwisumbuye rwa Nyarugenge batunguwe no kubwirwa ko urubanza rwabo rwaraye rusomwe ibintu byateye benshi urujijo.

Umwe mubapasiteri bakorana bya hafi n’ Umuyobozi wa Radio Amaing Grace Gregory Brian Schoof yabwiye umubavu .com ko bategereje kubona imyanzuro y’urubanza ubundi bakajurira.

Radio Amazing Grace yafunzwe burundu muri Mata 2018 nyuma yuko RURA isheshe amasezerano aha Radio Amazing Grace uburenganzira bwo gukorera mu Rwanda bitewe n’ikiganiro cyatambukijwe kuri iyi Radio n’umuvugabutumwa wita Niyibikora Nikolas cyashinzwe kwibasira no kwandagaza abagore.

Umuyobozi w’iyi Radio Gregory Brian Schoof yakunze kuvuga ko atumva impamvu Radio ye yafungwa kandi uwatambukije ikiganiro atarigeze akurikiranwa nk’umunyacyaha ndetse akaba atari n’umukozi we,ahubwo yari umukiriya wa Radio wishyuraga kugirango atambutse ibiganiro bye.

Gregory Brian Schoof yabwiye itangazamakuru ko nabona ubutabera nyabwo azatsinda .

Kugeza ubu umuvugabutumwa Niyibokopla wavugiye kuri iriya radio amagambo afatwa nkayandagaje abagore ntawe uzi aho aherereye.

umubavu.com

---

---