Umudepite mu Nteko Ishinga Amategeko ya Ghana yishwe arashwe mu ijoro ryacyeye kuri uyu wa Gatanu ubwo yari asubiye iwe mu rugo avuye kwiyamamaza.

Ekow Quansah Hayford, wari uhagarariye akarere ka Mfantseman, yatewe n’abagabo batandatu bitwaje imbunda mu ma saa saba z’ijoro zaho, nkuko bivugwa n’ibitangazamakuru byo muri Ghana.

Uwabibonye yabwiye ibyo bitangazamakuru ko ibyo biba Depite Quansah yibwiye abo bagabo bitwaje imbunda.

Ngo bamurashe amasasu abiri bamushinja kuba intandaro y’ibibazo abaturage ba Ghana bafite, nkuko bitangazwa n’urubuga Joy rw’amakuru.

Radio Citi FM yaho itangaza ko umushoferi wari umutwaye na we yarashwe ubu akaba arimo kuvurwa. Ariko abandi bantu batatu bari mu modoka bo nta cyo babaye.

Amatora rusange muri Ghana ateganyijwe kuba ku itariki ya 7 y’ukwezi kwa cumi na Kabiri uyu mwaka.

---

---