Wari uzi ko hari abantu batunzwe no kurya inyama z’abandi bantu gusa?

Isi dutuyeho ituwe n’abantu basaga miliyari 7 zirengaho, abatuye iyi si batuye mu mpande z’isi zitandukanye bitewe n’aho bagiye bisanga. Bitewe n’aho umuntu atuye rero, agenda agira imibereho itandukanye n’iy’abandi. Mu gihugu cy’u Buhinde ku kirwa kizwi ku izina rya Sentinel y’Amajyaruguru hari abaturage bahaturiye bibera mu buzima bwa bonyine, ibyo bikabatera kuvutsa ubuzima abaje babagana cyane nk’abacyerarugendo.

Kuva kera na kare ngo byari ikizira kuba hari abandi bantu bahingutsa imitwe kuri ubu butaka ngo bagirana n’ubwo bwoko imishyikirano kuko ari ubwoko budakunda kwegerana n’abandi.
Nubwo ubu butaka butuyeho ubu bwoko bw’abantu baryana buri mu maboko y’ Ubuhinde, ngo na Leta nta bushobozi ifite bwo kuba yakwegera ubwo bwoko.
Mu mwaka wa 2006 nibwo hamenyekanye abantu baguye kuri ubu butaka,ngo bari abarobyi babiri nk’ uko Dail Mail yabitangaje. Ngo mugihe bari gukora akazi kabo k’uburobyi baza kugwa kuri ubu butaka baricwa,indege ya gisirikare yagerageje kujya kuzana imibiri y’abo barobyi ariko ngo nabo bashatse kugabwaho ibitero nubwo bwoko.
Si ubwa mbere ubu bwoko bwagerageje kurwana n’abaje kuri ubu butaka kuko ngo no mu mwaka wa 1981 ingabo 50 zirwanira mu mazi zinjiye kuri ubu butaka ubwobwoko burabarwanya urugamba rukomeye basubira inyuma.

Ubu butaka butuwe n’abaturage babarurirwa muri 250, leta y’igihugu cy’Ubuhinde ikaba yaratangaje ko hatazagira umuturage wibeshya ngo agere kuri iki kirwa ko uwazabitinyuka yazirengera ingaruka zirimo n’urupfu.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
zavine nsengimana Kuya 17-01-2018

birababaje kubona aho umuntu arya mugenzi we