Umusore yateye inda nyirabuja n’abakobwa be 3 yihimura kuri shebuja yakoreye ntamuhembe

Umusore w’imyaka 24 y’amavuko uvuka mu gihugu cya Kameruni yakoze amahano mu gihugu cy’u Bufaransa aho yari ari yihimura kuri shebuja atera umugore we inda n’abakobwa be 3 ngo kuko yamukoreraga bikarangira atamuhembye.

Mu nkuru y’ikinyamakuru Senenew cyanditse iyi nkuru kibivuga, uyu musore ngo yafashe umwanzuro wo kuryamana n’umugore wa shebuja ndetse n’abakobwa be 3 bose agamije kubatera inda kugira ngo yihimure kuri shebuja avuga ko yamukoreraga ariko ukwezi ntamuhembe.

Abakobwa batatu umwe w’imyaka 17, uw’imyaka 19 ndetse n’undi w’imyaka 22 y’amavuko babaga mu rugo iwabo. Umuhungu w’Umunyakameruni yabigishaga Icyongereza kuko ntacyo bari bazi. Ikiyongeraho na nyina w’abo bakobwa yirirwaga mu rugo kuko nta kazi yagiraga. M.Claude Xavier w’imyaka 66 y’amavuko (ariwe nyiri urugo) yaje guhura n’ikibazo mu buzima, ubwo yabwirwaga n’umuganga wo mu rugo rwe ko abakobwa be bose batwite kandi batewe inda n’umuntu umwe. Umugabo yashatse gufata umwanzuro wo kwihekura agirira nabi abo mu rugo rwe kubera umujinya.

M.Claude yavuze ko mu mezi 6 ashize yabonye umusore mu Mugi wa Paris ari gushaka akazi ko kwigisha Icyongereza kandi nawe yari akeneye umwarimu w’Icyongereza ahita amufata aramujyana.

Claude Xavier yagize ati “yari impunzi ntaho afite ho kurara, bityo nafashe umwanzuro wo kumufasha muha aho kuba ariko ntabwo hari kure y’iwanjye”.

Ariko umusore yaje kuva muri ya nzu ahita yandikira shebuja amubwira ko yahisemo kwihorera kubera ko buri kwezi ubwo yamukoreraga atamwishyuraga bityo ahitamo gutera inda umugore we ndetse n’abakobwa be batatu (3) ku buryo buri gihe azajya abona uruhinja ruvuka, bitume igihe kizaza azajya yibuka guhemba abakozi be.

Nyuma yuko akoze ibi, uwo Munyakameruni yahise amenyesha shebuja kutazigera ata umwanya wo kumushakisha kuko yisubiriye mu gihugu cy’iwabo kandi atazongera gusubira mu Bufaransa na rimwe.

Aganira n’itangazamakuru, M.Claude yavuze ko guhera igihe yamuzaniye, nta n’ijana yamuhembye kubera ko yamuhaye aho kuba h’ubuntu kandi n’uwo musore yari yarabyemeye. Yongeyeho ko uwo musore atigeze amusaba umushahara kuva igihe yatangiriye gukora kandi ngo iyo ajya kumwishyuza aba yaramwishyuye nta kibazo.

Kuri ubu umugore w’uyu mugabo atwite inda y’amezi abiri (2) mu gihe abakobwa be nabo bafite amezi ane (4). Mu Bufaransa gukuramo inda biremewe kugeza ku byumweru 12 nyuma yo gutwita, birumvikana ko umugore w’uwo mugabo ariwe afite amahirwe yo kuyikuramo ariko abakobwa bo bagomba kubyara nta kabuza. Gusa nubwo byagenze gutyo umugore ndetse n’abakobwa be barinumiye ntabwo basobanura uko byabagendekeye.

M.Xavier yariye karungu aho avuga ko azatakaza imitungo ye yose kugira ngo abone uwo musore yamuhemukiye ndetse anatange amafaranga kugira ngo barimbure umuryango we wose.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
Kasasira moses Kuya 9-03-2018

Narecyere ntacyo yakora mugyenzi yegutakaza ibihe bye niyikorere akazi ke