Umugabo yasogoswe icyuma mu mutwe n’umugore we amusabye ko batera akabariro

Ni mu gihugu cya Uganda aho ku munsi wo ku cyumweru mu gace ka Ngamba ya kabiri, mu Karere ka Bundibugyo, umugabo yari ahasize ubuzima nyuma yuko atewe icyuma n’umugore we ubwo yari amusabye ko batera akabariro kandi ngo we atarabishakaga.

Ubwo yari atashye ageze iwe mu rugo, Edmond Bakaswara nibwo yatewe icyuma n’umugore we ubwo yari amusabye ko baryamana ariko umugore akabyanga aribwo byavuyemo igisa nko guhangana kuri bombi byaturitse bikaviramo uyu mugabo guterwa icyuma mu mutwe nkuko bigaragara aho yapfutswe.

PNG - 870.8 kb
Edmond Bakaswara yari ahasize ubuzima azira gusaba gutera akabariro


Umuyobozi wa Ngamba, Siriwayo Baluku yatangaje ko uyu mugore yateye umugabo we icyuma ubwo yari avuye kunywa akaza yasinze, bigatuma amusaba gukora imibonano mpuzabitsina atabishaka byaje kubaviramo guhangana bigera aho umugore yifashisha icyuma.

Siriwayo Baluku yagize ati, “Si ubwa mbere ibi bibaye kuri uyu muryango kuko bamaze hafi umwaka batumvikana ku gutera akabariro hagati yabo, ariko ahanini ni umugore ukurura amakimbirane ko umugabo yaje yasinze asabye ko bagira icyo bakora aho kumuhakanira ku neza amubwira nabi byahise bitangiza amahane”.

Amakuru avuga ko uyu mugore aziza umugabo we kuba yaramusabye ko basezerana imbere y’amategeko akabyanga kandi ko yanze no kumukwa bityo rero ngo akaba asanga nta bubasha amufiteho nkuko ikinyamakuru Daily Monitor kibitangaza.

Uyu mugabo watewe icyuma yajyanwe kuvurirwa mu bitaro bya Kikyo health centre IV mu gihe umugore we yahise ashyikirizwa Police ngo akorweho iperereza.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
marite Kuya 20-02-2018

Nakundiyihangane abagabo nukodupfa