Umugabo wagabye igitero kuri bisi y’ikipe ya Borussia Dortmund avuga ko atari agamije kwica

Umugabo uri kuburanishwa mu Budage ku byaha birimo kugerageza kwica yemeye ko yaturikije ibisasu kuri Bisi yarimo ikipe ya Borussia Dortmund mu mwaka ushize wa 2017.

Icyo gihe umukinnyi n’umupolisi barakomeretse. Ikipe yari iri mu rugendo ijya mu mukino wa Champions League mu kwezi kwa Kane umwaka ushize.

Uregwa wamenyekanye nka Sergei W w’imyaka 28, ahakana icyaha cyo kugerageza kwica, avuga ko atigeze agambira kugira uwo agirira nabi.

PNG - 773.1 kb
Bisi ya Dortmund yagabweho igitero mu kwezi kwa kane 2017 iri mu nzira yerekeza mu mukino wa Champions League na AS Monaco


Abashinjacyaha bavuga ko uyu mugabo ufite ubwenegihugu bw’u Burusiya n’u Budage, yari yaraguze imigabane muri iyi kipe yizera ko yari kungukira mu kugwa kwayo kw’ibiciro.

Banerekana ibimenyetso by’ukuntu yanagerageje kuyobya uburari bwo kwerekana ko iki gitero cyari cyateguwe n’umutwe wa Islamic State.

PNG - 514.5 kb
Sergei W wari wivuganye abakinnyi ba Dortmund

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo