Umugabo wabazwe agahabwa amasura atatu atandukanye akomeje kuvugisha benshi

Umuntu wa mbere ku isi wahawe amasura abiri mashyashya avuga ko yiyumva neza nta kibazo na kimwe afite nyuma y’amezi atatu abazwe n’inzobere z’abaganga.

Isura ya mbere ya Jerome Hamon (y’umwimerere) yayambuwe mu mwaka ushize nyuma yo kugaragara ko yanze imiti ya Antibiyotike ubwo yafatwaga n’indwara yamuteraga kubyimba mu maso.

PNG - 456.8 kb
Uyu mugabo yahawe isura ya gatatu mu Bufaransa


Uyu mugabo w’imyaka 43 yagumye mu bitaro atagira isura mu gihe cy’amezi abiri, mu gihe barimo bagishaka uwayimufashisha. Hamon arwaye imgwara ituma abyimba mu maso nkuko BBC ibitangaza.

Yagize ati “ isura ya mbere bampaye yahise ikunda nta kibazo”.

Gushyirwaho isura nshyashya bwa mbere mu mwaka wa 2010 byagenze neza, ariko yanduzwa indwara yo kubyimba mu maso mu mwaka wa 2015 yatumye bamuha umuti wa Antibiyotike.

Uwo muti wahise umutera ikibazo bituma amaraso atinjira muri iyo sura nshya yari yahawe.

Ibimenyetso bya mbere byerekana ko iyo sura yanze byatangiye kugaragara muri 2016 no mu kwezi kwa cumi na kumwe gushize. Byabaye ngombwa ko bamukuraho iyo sura.

Hamon yahise abaho atagira isura mu cyumba kimwe cyo mu bitaro bya Groges-Pompidou mu mujyi wa Paris, adashobora kubona, kuvuga cyangwa kwumva kugera mu kwezi kwa mbere ubwo habonekaga umuntu amuha isura bagahita bayimutera ubugira kabiri.

Iyo sura ya gatatu ni nziza uretse umutwe utameze neza, umubiri n’ibindi bice bidakorana neza ariko arizeye ko azakira.

Aganira n’ibiro ntaramakuru by’Abafaransa, AFP ubwo yari mu bitaro yavurizwagamo, Hamon yagize ati “ Iyo nanga iyi sura yange ya gatatu byari kuba bibi cyane. Ni ikibazo gikomeye ariko ubu byakunze ni byiza kuri gewe".

Yakomeje agira ati "Gewe mfite imyaka 43, uwampaye iyi sura na we afite imyaka 22, urumva ko nasubiranye imyaka 22".

PNG - 660.7 kb
Kubagwa k’uyu mugabo kwatwaye amasaha mesnhi guhagarariwe na Prof Laurent Lantieri, umuhanga mu gutera amasura n’amaboko ari na we wari wabaze Hamon ubwa mbere mu myaka ine ishize


Prof. Laurent wabaze uyu mugabo aganira n’ikinyamakuru Le Parisien yagize ati "Ubu tuzi ko gutera amasura abiri bishoboka, ntibikiri mu bushakashatsi".

Mugenzi we Dr Bernard Cholley nawe yunzemo agira ati “ Mbere umuntu wese agize ikibazo cy’isura ye, byabaga ngombwa ko arindira mu gihe kirekire ndetse kitanazwi ko bamutera indi, ni ikintu kitapfaga gukorwa ku muntu uwo ariwe wese”.

Yakomeje agira ati “ Natangajwe cyane no kwihangana k’uyu murwayi mu ngorane zose yagize”.

Isura ya mbere yatewe umuntu mu mwaka wa 2005 mu burasirazuba bw’igihugu cy’u Bufaransa.

Kuva icyo gihe, abantu bagera kuri 40 bamaze kubagwa ku isi yose.

Daniel MUKESGHIMANA@Umubavu.com





Tanga igitekerezo kuri iyi nkuru



Igitekerezo
kamaliza Kuya 24-04-2018

Aha!ese bikorwa bite?igihaye isura ye we asigarana iyihe?ababizi bambire?