Uganda: Abagore baratakambira Leta ngo ibemerere kujya bakuramo inda

Hari abantu benshi badakozwa ibyo gukuramo inda batitaye ku gihe cyangwa uburyo ubwo aribwo bwose yaba yasamwemo bagendeye ku mpamvu zabo bwite ariko ntibabyumba kimwe n’abagore bo muri Uganda bafite imyaka iri hejuru ya 40 kuko bo bakomeje gutakambira Leta ya Uganda basaba ko yabareka bagakomeza gukuramo inda ngo kuko usanga akenshi bazisama batabishaka kuko baba biringiye ko bamaze gucura urubyaro bikarangira basamye.

Daily Monitor ivuga ko ubusanzwe hari hamenyerewe abakobwa bakiri bato ko ari bo baba bifuza gukuramo inda kuko abenshi baba barazisamye bibatunguye kandi bakaba badakunda kubyara batarabona abagabo.

Umuganga mukuru wo mu bitaro bya Mulago National referral hospital yavuze ko ubwiyongere bw’abagore bari hejuru y’imyaka 40 bifuza gukuramo inda uri kwiyongera cyane muri iyi minsi.

Dr. Charles Kiggundu yavuze ko asanga impamvu umubare w’abagore barengeje imyaka 40 basaba gukuramo inda uri kwiyonger, bishobora kuba biterwa n’uko baba batwaye inda batabizi kuko baba bizeye ko bamaze gucura urubyaro.

Indi mpamvu ishobora kuba ituma abagore bakuze basaba gukurirwamo inda, ngo ni uko usanga bari baraboneje urubyaro hashira imyaka 10 atabyara akiyumvisha ko gukora imibonano mpuzabitsina idakingiye nta kibazo biri bumugireho bikarangira asamye atabiteganyaga.

Ubusanzwe umugore ahamya ko yacuze adashobora kubyara iyo amaze nibura umwaka atabona imihango, ibi biba guhera ku bagore bari hagati y’imyaka 40 na 50.
Abagore 4 mu 10 baza gusaba gukurirwamo inda mu bitaro bya National referral hospital, usanga bari hejuru y’imyaka 40.

ubusanzwe gukuramo inda muri Uganda ntibyemewe gusa bikorwa iyo bashaka kurengera ubuzima bw’umubyeyi.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo