Theresa May yasabye ibihugu bigize Commonwealth byose gukuraho amategeko yabangamira ubutinganyi

Minisitiri w’Intebe w’u Bwongereza Theresa May yasabye by’umwihariko igihugu cya Nigeria ndetse no muri rusange ibihugu byose bihuriye mu muryango wa Commonwealth gukuraho imbogamizi izo arizo zose zabangamira abashaka kwambikana impeta bahuje ibitsina.

Mu ijambo yagejeje ku bitabiriye inama iri kubera mu mujyi wa Westminster mu Bwongereza ihuza ibihugu bikoresha ururimi rw’Icyongereza bihuriye mu muryango wa Commonwealth, kuri uyu wa Kabiri tariki ya 17 Mata 2018, Minisitiri w’Intebe w’u Bwongereza Theresa May yasabye ibihugu byose bihuriye muri uyu muryango gukuraho amategeko yabuza abashaka gushakana bahuje ibitsina nkuko TheCable dukesha iyi nkuru babitangaza.

PNG - 904.8 kb
Theresa May yasabye ibihugu bihuriye muri Commonwealth gushyigikira ubutunganyi


Theresa May yavuze ko abizi ko aya mategeko abuza ubutinganyi amenshi yari yarashyizweho n’u Bwongereza ariko iki gihe akaba adakwiriye gukoreshwa.

Mu magambo ye Theresa May yagize ati “ ku isi hose amategeko abangamira uburenganzira bw’abantu yagiye ashyirwaho kuva kera, ibintu byagiye bigira ingaruka mu mibereho y’abantu benshi cyane cyane ku rubyiruko rugera kuri Miliyoni 10. Amwe muri ayo mategeko ni nk’abuza uburenganzira abashakana bahuje ibitsina ndetse n’ajyanye no kurinda umugore n’umukobwa yagiye ananirana gushyirwa mu bikorwa”.

“Ndabizi ko no mu gihugu cyange hari amwe n’amwe yagiye ashyirwa mu bikorwa abangamira abahuza ibitsina babisangiye ariko iki gihe ntacyo akimaze ndetse ntanakwiriye”.

“Nka Minisitiri w’Intebe w’u Bwongereza, ndicuza cyane impamvu yatumye aya mategeko ashyirwaho…nk’umuryango, tugomba kubahana no kubaha umuco wa buri muntu n’uburenganzira bwe ndetse tutibagiwe ko abantu bose bangana imbere y’amategeko nkuko amategeko tugenderaho mu muryango wacu wa Commonwealth abivuga”.

“Nta muntu n’umwe ufite uburenganzira bwo kwitwaza icyo aricyo ahonyora uburenganzira bw’abandi cyangwa yitwaje ibyo we akunda. U Bwongereza bwiteguye gufasha igihugu icyo aricyo cyose cy’uyu muryango gifite ubushake bwo kuvugurura amwe mu mategeko atakijyanye n’igihe by’umwihariko muri gahunda yo guha uburenganzira bukwiriye umuntu wese”.

Iyi nama ihuza ibihugu bikoresha ururimi rw’Icyongereza bihuriye mu muryango wa Commonwealth, iba kabiri mu mwaka, kuri iyi nshuro yahurije hamwe abagera ku 5000 baturutse muri za Guverinoma, abashoramari ndetse na sosiyete sivile, baganira ku ngingo zirimo guteza imbere uburumbuke, umutekano n’ubworoherane.

Umusozo w’iyi nama uzaba umwiherero w’abayobozi uzabera Windsor Castle kuwa Gatanu tariki 20 Mata 2018.

Muri uyu mwiherero abakuru b’ibihugu na za Guverinoma bazaganira ku bufatanye mu bibazo byugarije Isi n’iby’ingenzi bikwiye kwitabwaho mbere muri Commonwealth.

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo
Theo Kuya 20-04-2018

Ayiii wee Imana idutabare

ndungutse john Kuya 19-04-2018

Andika Igitekerezo Hanno
ntagitaje kirimo kuko byose byarahanuwe" uko isodomu n’igomora hari hameze Niko no muminsi y’imperuka bizaba bimeze
ahubwo vuba bidatinze nuko umukiza wabari mwisi agiye kuza bidatinze

bavandimwe turarakirwa gusanga ntama w’lmana ukuraho ibyaha byabari mwisi.

nibyo mbifuriza mw’izina rya Yesu.