Stade Amahoro igiye gusakarwa ibice byayo byose biyigize

Mu gihe cya vuba hagiye gutangira imirimo yo kuvugurura Stade Amahoro, aho ibice byayo byose biyigize bizasakarwa nkuko byatangajwe n’Ikigo cy’Igihugu cy’Imiturire (Rwanda Housing Authority, RHA).

Ibi byatangajwe kuri uyu wa Kabiri ubwo Minisiteri y’Ibikorwaremezo (Mininfra) n’ibigo biyishamikiyeho byasobanuriraraga Komisiyo y’Ingengo y’imari mu Mutwe w’Abadepite, uko bakoresheje ingengo y’imari ya 2017-2018 n’ibiteganyijwe gukorwa mu ya 2018-2019.

Serubibi Eric, Umuyobozi Mukuru wa RHA, yavuze ko mu byo bateganya gukora vuba harimo gusakara ibice byose bya Stade Amahoro kuko ubusanzwe igice kinini cyayo kidatwikiriye.

Serubibi yavuze ko imirimo yo kuvugurura iyi stade biteganyijwe gutangira muri uku kwezi.

Mu bindi bikorwa byo kuvugurura, hateganyijwe ko hazanavugururwa Petit Stade, muri gahunda yo kwitegura imikino nyafurika ya Basketball izabera i Kigali umwaka utaha.
Uretse izi stade zombi, hanateganyijwe ko mu turere hazubakwa Stade ya Nyagatare, iya Bugesera ndetse n’iya Ngoma.

Hateganyijwe kandi ko hazarangizwa burundu imirimo yo kubaka Stade ya Huye.
Stade Amahoro ikunze kwakira ibikorwa bitandukanye birimo imikino n’ibirori bitandukanye birimo iby’igihugu.

PNG - 866.5 kb
Umuyobozi Mukuru wa RHA, Serubibi Eric, ubwo yari imbere y’Abadepite
PNG - 923.5 kb
Ibice byose bya Stade Amahoro bigiye gusakarwa
PNG - 1 Mb
Stade Amahoro yaherukaga kuvugururwa hongerwa imyanya y’icyubahiro no kuhasakara neza
PNG - 1 Mb
Stade Amahoro niyo nkuru mu gihugu, ifite ubushobozi bwo kwakira abantu 30,000

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo