Rwanda: Abishwe na Covid-19 barenze 100 abandi 109 barandura

Minisiteri y’Ubuzima, MINISANTE kuri iki Cyumweru tariki 03 Mutarama 2021, yatangaje ko abantu 3 bishwe n’icyorezo cya COVID-19 bituma umubare w’abamaze kwicwa n’iki cyorezo mu Rwanda uba 101, mu gihe abanduye na bo biyongereyeho 109 bityo bose hamwe baba 8,676 mu bipimo 3,318 byafashwe kuri uyu munsi.

MINISANTE igaragaza ko abitabye Imana barimo abagabo 2 barimo uw’imyaka 75 na 67 bo mu mujyi wa Kigali n’umwe w’imyaka 51 wo mu Karere ka Huye.

Abarwayi bashya babonetse I Kigali: 64, Musanze: 20, Rubavu: 12, Nyamasheke: 4, Gicumbi: 3, Kamonyi: 3, Huye: 2, Burera: 1.

Kuri uyu munsi kandi hakize abantu 67, bituma umubare w’abamaze gukira bose uba 6,752 naho abakirwaye ni 1,823.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

IBIKUBIYE MU GITABO CYANDITSWE NA APOTRE MUTABAZI YISE "NKUGIRE INAMA MUYOBOZI":





Tanga igitekerezo kuri iyi nkuru



Igitekerezo