RDC: ONU iravuga ko amahano akomeye ari gukorerwa abaturage

Umuryango w’Abibumbye, ONU uratangaza ko abaturage ba Kongo bakomeje gukorerwa amahano atarabonerwa izina mu magepfo ashyira uburasirazuba bw’igihugu cya Repubulika Iharanira Demokarasi ya Kongo.

Ishami rya ONU rishinzwe impunzi, HCR, ryavuganye n’abantu bahunze bava mu ntara ya Tanganyika, bavuga amahano bahaboneye y’ubwicanyi bukomeye mu nkambi zabo.

Bavuga ko ngo uretse no kwicwa, abantu basambanywa ku ngufu abandi bakanyerezwa bakaburirwa irengero.

Mu baturage bagera kuri Miriyoni eshatu, abagera ku bihumbi 630 bateshejwe ibyabo, iyi mibare ikaba ikubye kabiri iyabonetse mu gihe cy’amazi icumi n’ane ashize.

Kuva mu kwezi kwa mbere, imirwano ikomeye yadutse hagati y’igisirikare cya Kongo n’imitwe yitwaje intwaro yo muri ako karere.

PNG - 954.1 kb
ONU ivuga ko amagorwa ku baturage muri Kongo agiye kuba umurengera kubera imirwano

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo