RDC: Icyorezo cya Ebola kimaze guhitana abantu 17

Mu gihe hari amakuru yatangajwe ku wa Kabiri tariki ya 8 Gicurasi 2018, avuga ko haba hari abantu babiri bahitanwe n’icyorezo cya Ebola, kuri ubu Leta ya Repubulika Iharanira Demokarasi ya Kongo, itangaza ko abamaze gupfa ari 17 muri 21 cyagaragayeho kuva ku itariki ya 3 Gicurasi.

Mu itangazo Radiyo Okapi ifitiye kopi, ryashyizwe hanze na Minisiteri y’Ubuzima, itangaza ko kuva ku itariki 3 Gicurasi 2018, Abantu 17 bapfiriye ku kigo nderabuzima cya i Ikoko Impenge, mu Ntara ya Equateur, bafite umuriro udasanzwe, bava n’amaraso mu bice bimwe na bimwe by’umubiri.

Ikipe y’abakozi ba Minisiteri y’Ubuzima, ifatanyije n’Umuryango mpuzamahanga wita ku buzima (OMS) ndetse n’abaganga batagira umupaka (Médecins sans frontières) ngo bari mu gace ka Bikoro kuva ku wa 5 Gicurasi 2018, bahasanze abantu 5 bafashwe n’iki cyorezo, babiri barimo kuvurirwa mu bitaro bikuru bya Bikoro, abandi batatu bakaba bari mu kigo nderabuzima cya Ikoko Impenge.

Mu isuzuma ryakorewe mu kigo cy’ubushakashatsi mu by’ubuzima (INRB) gifite icyicari i Kinshasa, ibizamini byakozwe ku bantu batanu, babiri muri bo bagaragayeho icyorezo cya Ebola.

Mu isuzuma ryakorewe mu kigo cy’ubushakashatsi mu by’ubuzima (INRB) gifite icyicari i Kinshasa, ibizamini byakozwe ku bantu batanu, babiri muri bo bagaragayeho icyorezo cya Ebola.

Muri iri tangazo rya Minisiteri y’Ubuzima, ivuga ko yafashe ingambo zihamye zo guhangana n’iki cyorezo mu maguru mashya, ihereye ku mipaka ihuza iki gihugu n’ibindi.

Mu mwaka wa 2017, iki cyorezo cyagaragaye ku butaka bwa Kongo gihitana abantu bane, bwa mbere kikaba cyarahagaragaye mu mwaka wa 1976 mu bice byegereye ishyamba kimeza “Forêt équatoriale” rikorwaho na Kongo-Brazzaville.

PNG - 692.3 kb
Abaganga basuzuma abantu batanu bagaragaweho ibimenyetso by’indwara ya Ebola mu Mujyi wa Bikoro

@Umubavu.com





Tanga igitekerezo kuri iyi nkuru



Igitekerezo