Mu bantu 10, abarenga batatu baragwingiye muri EAC

Raporo y’Umuryango w’Abibumbye (ONU) ivuga ko umubare w’abantu bugarijwe n’inzara ku isi wiyongereye ku nshuro ya Gatatu yikurikiranya by’umwihariko mu bihugu bigize Akarere ka Afurika y’Iburasirazuba (EAC) bigatuma mu bantu 10 abarenga batatu bagwingira.

Yakozwe n’ishami rya ONU ryita ku buhinzi n’ibiribwa, ikigega mpuzamahanga cyita ku iterambere ry’ubuhinzi, ishami rya ONU ryita ku bana, ishami rya ONU ryita ku biribwa n’ishami rya ONU ryita ku buzima.

Iyi raporo ivuga ko kugera ku isi itarangwamo inzara mu mwaka wa 2030 ari intego ikomeye kugeraho nkuko BBC ibivuga.

Iyi raporo ivuga ko abantu barenga miliyoni 820 ku isi batabona ibyo kurya bihagije, kandi ko ibintu bimeze nabi kurushaho muri Afurika.

Ivuga ko Afurika ifite ibipimo byo hejuru cyane by’inzara kurusha ahandi ku isi kandi ko ibi bipimo biri kwiyongera mu turere tumwe na tumwe tw’uyu mugabane.

Nk’urugero, iyi raporo ivuga ko mu karere k’Afurika y’Iburasirazuba, muri buri bantu 10 abarenga batatu muri bo babafite ikibazo cy’igwingira.

Kuri uyu mugabane w’Afurika, iyi raporo ivuga ko usibye imihindagurikire y’ikirere n’amakimbirane, ubukungu bucumbagira nabwo buri mu bitera uko kwiyongera kw’inzara.

Iyi raporo yongeraho ko guhera mu mwaka wa 2011, hafi kimwe cya kabiri cy’ibihugu birimo kwiyongera kw’inzara yatewe n’icumbagira ry’ubukungu cyangwa kutiyongera kwabwo bukaguma ku kigero kimwe ari ibyo muri Afurika.

Mu gihe inzara ivugwa mu bice bitandukanye, umubyibuho ukabije wo ukomeje kwiyongera mu bice byose byo ku isi.

Afurika n’Aziya ni yo migabane irimo hafi bitatu bya kane by’abana bose bo ku isi bafite umubyibuho ukabije, iyi raporo ikaba ivuga ko ahanini biterwa no kurya indyo itaboneye.


Umubyibuho ukabije uterwa n’ibirimo kurya indyo itaboneye





Tanga igitekerezo kuri iyi nkuru



Igitekerezo