Kirehe: Polisi irahiga bukware umuyobozi w’umudugudu wahondaguye umukecuru akanigamba ko azamutema

Umuyobozi w’umudugudu wo Mugisenyi ya mbere mu Karere ka Kirehe, yakubise anakomeretsa ijisho umukecuru witwa Mukabaramba Jacqueline w’imyaka 59 ngo amuziza gushyamirana na mwenewabo none ngo yigamba ko azashirwa ari uko amutemye gusa ngo Polisi iri kumuhiga bukware.

Mukabaramba Jacqueline w’imyaka 59 avuga ko yakubiswe na Uzabakiriho Elyseus umuyobozi w’umudugudu wo Mugisenyi ya mbere akagari ka Rwanteru mu Murenge wa Kigina mu Karere ka Kirehe nkuko Makuruki babivuga.

Avuga ko yakubiswe kuwa kane w’icyumweru gishize avuga ko yagiye ahantu akahahurira n’umugore witwa Niwagore hanyuma akamutuka amaze kumutuka ngo ahita ataha ajya kuzana umuyobozi w’umudugudu Uzabakiriho baramukubita bamugira intere.

PNG - 784.7 kb
Mukabaramba Jacqueline yakomerekejwe ijisho ku buryo bukomeye n’umuyobozi w’umudugudu


Avuko yagiye kwa muganga bagasanga yarababaye bakamuha imiti ati:” nagiye kwa muganga basanga ngo inyama zimbere zarababaye cyane bantera inshinge ebyiri bampa n’ibinini ngo ububabare bugabanuke. “

Avuga ko ahangiyikishijwe n’uko uyu muyobozi w’umudugudu ahora avuga ko azashirwa ari uko amutemye ati:” n’ubu yirirwa avuga ko byanze bikunze azashirwa ari uko antemye ubwo rero ukumva ko nta mutekano mfite nicyo cyatumye ntakambira polisi.”

Karisa Josphate, umuyobozi w’Akagari ka Rwanteru nawe yemezako uyu mukecuru ko yakubiswe ndetse ngo umukuru w’uyu mudugudu bahise bamweguza.

Ati “yashatse gushyamirana n’umukobwa ubereye nyirasenge shefu w’umudugudu shefu w’umudugudu azagukiza aho kumva impande zombi akubita urushyi umukecuru bibangombwa ko twohereza dasso z’umurenge nijo bahageze bafata icyemezo ko tubijyamo mu gitondo kugirango tuze kubikiranura mu ruhame rw’abantu bose. Saa mbiri za mu gitondo twari dutangiye kugikurikirana twasanze gukubita umuturage ushinzwe kurinda atari indangagaciro za kiyobozi turamweguza hanyuma umukecuru we arakomeza akurikirane ikibazo cye kuri police.”

Abaturage baturanye n’aba bombi bavuga ko uyu mukuru w’uyu mudugudu asanzwe akubita abantu ngo iyo uvuze ukuri aragukubita ngo ameze nk’umutegetsi wo muri Amerika.

Bavuga ko iteka akubita abantu ariko atajya abiryozwa, uyu mukerucuru ejo yiriwe ku biro bya Polisi yagiye gutanga ikirego ndetse n’umukuru w’uyumudugudu yari ategerejwe kwitaba ariko byarize bigera nimugoroba ataritaba.

Police ariko yo ivuga ko igikomeje gushakisha uyu wari umuyobozi w’umudugudu ngo aryuzwe ibyo yakoze.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
marite Kuya 20-02-2018

Uwomunu sumuyobozi ahubwo numuyobesha afatirwe icyemezo nabayobozi bazikuyobora sawa uwomucecuruyihangane arware ubucyira