Kigali: Umugabo w’imyaka 48 yabaye umuntu wa 23 wishwe na Covid-19

Minisiteri y’Ubuzima, MINISANTE kuri uyu wa Kane tariki ya 17 Nzeri 2020, yatangaje ko umuntu wa 23 yishwe n’icyorezo cya COVID-19 mu Rwanda, uyu akaba ari umugabo w’imyaka 48 wo mu Mujyi wa Kigali.

Kuri uyu wa Kane kandi MINISANTE yatangaje ko mu bipimo 2,097 byafashwe uyu munsi, habonetse abarwayi bashya 19 barimo ab’i Kigali:13 (bapimwe mu bibasiwe kurusha abandi), Nyamagabe:6. Abanduye bose bamaze kuba 4,653.

Uyu munsi kandi hakize abantu bashya 28 bituma umubare w’abamaze gukira iki cyorezo bose uba 2,816, abakirwaye ni 1,813.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Twibukiranye ko icyorezo cya Coronavirus/COVID-19 kugeza n’ubu kitarabonerwa umuti n’urukingo bityo umuti n’urukingo bihari ni ukwambara agapfukamunwa neza, gukaraba intoki n’amazi meza n’isabune, guhana intera nibura ya metero imwe hagati y’umuntu n’undi, kwishyura serivisi n’ibicuruzwa hakoreshejwe ikoranabuhanga n’izindi zigenwa n’inzego z’ubuzima.

Hakorwe iki ngo tugere ku mibereho myiza y’Abanyarwanda, iyumvire ikiganiro kirambuye UMUBAVU TV ONLINE wagiranye na Madamu Victoire Ingabire Umuhoza, umuyobozi w’ishyaka ritavuga rumwe n’ubutegetsi rya DALFA Umurinzi ariko ritaremerwa n’amategeko mu Rwanda:





Tanga igitekerezo kuri iyi nkuru



Igitekerezo