Kenya: Abarwayi babuze kirengera mu bitaro bya Kenyatta nyuma yuko abaganga banze kugaruka ku kazi

Kuri ubu iminsi ibaye ibiri abaganga bagera ku 500 bo mu bitaro bikuru bya Kenya bahagaritse akazi, basaba ko umuganga mugenzi wabo wahagaritswe kubera kubaga ubwonko bw’umurwayi budafite ikibazo yasubizwa mu kazi.

Uretse umuganga wabaze umurwayi utari we, hari abandi bakozi batatu bo mu bitaro bya Kenyatta National Hospital bahagaritswe bafite aho bahuriye n’ibagwa ry’ubwonko bw’uyu murwayi.

PNG - 716.2 kb
Aba baganga banze gusubira ku kazi ahubwo bigaba mu mihanda basaba ko mugenzi wabo yasubizwa ku kazi


Abo nabo ni umuforoma, uwakira abarwayi bakeneye kubagwa hamwe n’utanga umuti wo kugabanya ububabare -’anesthesiste’.

Umukuru w’abaganga mu bitaro bya Kenyatta National Hospital, Sammy Oroko, yavuze ko guhagarika umuganga kubera ikosa ryo kwibeshya ku murwayi wagombaga kubagwa ubwonko hakabagwa utari we, ari ikibazo gikomeye ariko ko guhagarika umuganga bidashobora gukemura ibibazo bisanzwe muri ibi bitaro bisanzwe byakira abarwayi bagera ku bihumbi 3 ku munsi.

Ku kibazo cy’aba baganga banze gusubira mu kazazi, Oroko avuga ko ari umwanya mwiza kuri ibi bitaro ku kuba byakisuzuma bikareba aho bifite ikibazo bikagikemura.
Si iki kibazo cy’uyu muganga wirukanwe gituma badasubira mu kazi gusa kuko bavuga ko bazagaruka ari uko babonye amafaranga y’agahimbazamusyi bari bemerewe umwaka ushize nk’uko BBC ibitangaza.

Umwaka ushize abaganga bamaze amezi atatu basaba ko bakongererwa amafaranga kuko ayo bahabwaga babonaga atajyanye n’akazi bakora, ariko ibibazo bijyanye n’amafaranga na n’ubu babona bitarakemuka.

PNG - 1.1 Mb
Biribazwa uburyo abarwayi bari kwitabwaho mu Bitaro bya Kenyatta mu gihe aba baganga banze gusubira ku kazi

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
niwema Kuya 7-03-2018

Andika Igitekerezo Hanno
kwibeshyabibaho
nibamugarure kukaza abarwayibitabweho.