Espagne: Ikimasa cyivuganye umugabo kuri Pasika

Mu gihe hirya no hino ku isi abandi bishimiraga izuka ry’umwami Yesu kristu, mu gihugu cya Espagne haravugwa inkuru y’akababaro ubwo umugabo wari mu minsi mikuru yo gusoza Pasika yivuganwaga n’ikimasa kimutsimbye umutwe wacyo mu gatuza mu gihe bagenzi be bo bari bahunze.

Nkuko amashusho yagiye hanze abigaragaza, iki kimasa cyadukiriye uyu mugabo agerageza kugihunga biranga biba iby’ubusa niko kumukubita umutwe mu gatuza no mu nda cyangiza ibihaha bye gikoresheje amahembe yacyo ndetse kimushyingura mu butaka.

Iki kimasa cyishe uyu mugabo ku Cyumweru ubwo bari mu mihango yo gusoza Pasika mu mugi wa Arcos de la Frontera wo mu majyepfo y’uburengerazuba bwa Espagne.

Kikimara kumukubita umutwe mu nda, abantu bari hafi aho bahise bamujyana kwa muganga igitaraganya gusa basanga yapfuye nkuko The Sun dukesha iyi nkuru babitangaza.

Ikimasa mbere yo kwica uyu mugabo cyabanje kurwana n’umugabo aragicika nubwo nawe yajyanwe mu bitaro.

PNG - 410 kb
Iki kimasa cyivuganye uyu mugabo

PNG - 540.4 kb
Uyu we yagerageje kugihunga gusa cyamusigiye ibikomere byatumye ajyanwa mu bitaro

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo