Covid-19 yishe umuntu wa 57 mu Rwanda, ni uw’i Rubavu

Minisiteri y’Ubuzima ivuga ko kuri uyu wa Kabiri tariki ya 15 Ukuboza 2020 umuntu wa 57 yishwe na COVID-19 mu Rwanda, uyu akaba ari umugabo w’i Rubavu w’imyaka 70 y’amavuko.

Kuri uyu wa Kabiri kandi MINISANTE ivuga ko abandi bantu bashya 85 banduye iki cyorezo, aba bakaba biganjemo abapimwe i Musanze.

Mu masaha 24 abanduye bose hamwe ni 85 barimo ab’i Kigali (30) ni abagenzi binjira mu gihugu bavuye hanze, bahise bashyirwa mu kato.

Musanze ikomeje kugarizwa n’icyorezo yagaragayemo abanduye bashya 39, Minisiteri y’Ubuzima ivuga ko “Bibasiwe kurusha abandi”.

Abandi banduye ni ab’i Rubavu (8), Karongi (3), Rusizi (3), Ruhango (1), na Huye (1).

Iyi mibare yabonetse mu bipimo bishya 2 294. Abanduye bose hamwe kuva Covid-19 yakwaduka mu Rwanda ni 6 832 babonetse mu bipimo 673 517.

Mu masaha 24 ashize abantu bakize Covid-19 mu Rwanda ni 40, biyongera ku 6036. Abantu bakirwaye ni 739.

Ku isi icyorezo kimaze gufata abantu miliyoni 73.8 mu gihe abo cyahitanye ari miliyoni 1.6, abavuwe barakira ni miliyoni 51.8.

UMUDIPOLOMATE YIYICIYE ABANA BE BABIRI, URUBANZA RW’UMUNYEMARI NKUBILI MU ISURA NSHYA N’ANDI MAKURU MENSHI NI K’UMUBAVU TV ONLINE:





Tanga igitekerezo kuri iyi nkuru



Igitekerezo