Covid-19 yishe umuntu wa 49, ni umugore w’imyaka 40 w’i Kigali

Minisiteri y’Ubuzima yatangaje ko kuri uyu wa Mbere tariki ya 30 Ugushyingo 2020, icyorezo cya COVID-19 cyahitanye umugore w’imyaka 40 wo mu mujyi wa Kigali, aba umuntu wa 49 uhitanwe n’iki cyorezo kuva kigaragaye mu Rwanda muri Werurwe.

MINISANTE yavuze abantu 15 basanganywe ubwandu bwa Coronavirus, mu gihe abandi 36 bayikize mu bipimo 2,196 byafashwe mu masaha 24 yashize.

Abarwayi bashya basanzwe I Kigali: 2, Burera: 6, Rwamagana: 3, Rubavu: 2, Nyaruguru: 1, Musanze: 1.

Umubare w’abamaze kwandura Coronavirus kuva umurwayi wa Mbere agaragaye mu Rwanda ku wa 14 Werurwe 2020, bamaze kuba 5,934 mu bipimo 626,311 bimaze gufatwa.

Abamaze gukira bagasezererwa ni 5,516 mu gihe 369 bakiri kwitabwaho n’abaganga.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Ishami ry’Umuryango w’Abibumbye ryita ku Buzima, OMS, ryatangaje ko ibihugu byo muri Afurika bikwiye kongera ubushobozi mu kwitegura gukingira abantu benshi icyorezo cya Covid-19 mu gihe hari icyizere ko urukingo ruzaboneka vuba.

Kugeza ubu ku isi hari inkingo eshatu za Covid-19 zitanga icyizere hejuru ya 70 ku ijana ko zifite ubushobozi bwo kurinda umuntu, ariko bigaragara ko muri Afurika yose, ibihugu byiteguye kuri 33% mu gutanga inkingo, nk’uko OMS yabitangaje.

PROF SHYAKA YEMEYE AMAKOSA ANEMERA KUJYA MURI GACACA, ABATAZEMERA KUJYA BUSANZA BIZAGENDA GUTE?, UMVA MURI IYI VIDEO IBIBAZO BIKAZE ABA BANNYAHE BABAJIJE MINISITIRI SHYAKA:





Tanga igitekerezo kuri iyi nkuru



Igitekerezo