Covid-19 yishe abantu 3 b’I Rwamagana icyarimwe abandi benshi barandura

Uko iminsi igenda ishira icyorezo cya COVID-19 kiragenda gihindura isura mu gihe abantu bibwiraga ko ahari cyagabanyije umurego kuko kuri iki cyumweru tariki ya 15 Ugushyingo 2020, Minisiteri y’Ubuzima, MINISANTE yatangaje ko umubare w’abahitanwe na cyo mu Rwanda wiyongereyeho abantu batabu ukaba 45.

MINISANTE ivuga ko uyu mubare w’abamaze guhitanwa na COVID-19 mu Rwanda wiyongereye nyuma y’aho abagabo batatu barimo uw’imyaka 36, 62 n’uw’imyaka 85 bo mu karere ka Rwamagana bahitanwe n’iki cyorezo. Ni ubwa mbere mu Rwanda hapfuye abantu barenze 2 umunsi umwe bahitanwe n’iki cyorezo

Kuri iki cyumweru kandi MINISANTE yavuze ko habonetse abarwayi bashya 61 ba Covid-19 mu bipimo 1,449 byafashwe mu gihe undi muntu umwe yayikize.

Iyi mibare isize abamaze kwandura iki cyorezo kuva cyagaragara mu Rwanda ku wa 14 Werurwe 2020 ari 5,455 mu gihe abamaze gukira ari 4,995 naho abakirwaye ni 415.

Abarwayi bashya bo kuri iki cyumweru bagaragaye I Kigali: 55, (abapimwe muri Gereza ya Nyarugenge), Bugesera: 4, Nyamagabe:1, Rwamagana: 1.

Abanyarwanda barasabwa kutirara ngo bumve ko icyorezo cyarangiye bityo bakagirwa inama yo gukomeza kubahiriza amabwiriza yashyizweho arimo kwambara neza agapfukamunwa buri gihe bavuye mu ngo bagiye ahahurira abantu benshi, bakaraba intoki kenshi, birinda amakoraniro n’ubundi buryo bushobora guteza ingorane.

Ibimenyetso bya Coronavirus birimo inkorora, guhumeka nabi, gucika intege n’ibindi. Uwo bigaragayeho akagirwa inama yo guhamagara umurongo utishyurwa wa 114 kugira ngo ahabwe ubufasha n’abaganga.

KARASIRA AIMABLE ASOBANUYE NEZA INKOMOKO Y’INDIRIMBO "SHIKARETE", UGASANGA BARI KUKUBWIRA NGO URIYA UMWIRINDE:





Tanga igitekerezo kuri iyi nkuru



Igitekerezo