Burundi: Umugabo yivuganye umugore we amutemesheje ishoka mu mutwe

Mu gihugu cy’u Burundi, umugabo witwa Irankunda Innocent yivuganye umugore we witwa Maniragumije Noella amutemesheje ishoka mu mutwe, ahita avamo umwuka.

Uyu mugabo yakoze iri bara mu ijoro ryo ku Cyumweru tariki ya 18 Gashyantare 2018, i Ruhande rwa Komini ya Gishubi, Intara ya Gitega, mu gihugu cy’u Burundi.

Igipolisi gikorera mu gace kabereyemo aya mahano mu Burundi gitangaza ko ahagana saa tatu z’ijoro aribwo Irankunda yatemaguye umugore we agahita apfa.

Icyakora icyateye uyu mugabo kwivugana umugore we ntikiramenyakana, abaturanyi b’uyu muryango bo bakemeza ko uyu mugabo yari umujura kabuhariwe anazwiho kunywa ibiyobyabwenge.

Ku wa Mbere nibwo polisi yamutaye muri yombi akaba ari mu maboko yayo, nyuma akazashyikirizwa inkiko kugira ngo aryuzwe iri bara yakoze.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
pascal Kuya 20-02-2018

ahanwenamategeko kuko sibyiza