Abiganjemo abo mu nkambi z’impunzi banduye COVID-19

Kuri uyu wa Kane tariki ya 15 Ukwakira 2020, Minisiteri y’Ubuzima mu Rwanda, MINISANTE yatangaje ko mu bipimo 2,080 byafashwe kuri uyu munsi abantu 13 biganjemo abo mu nkambi z’impunzi ari bo banduye icyorezo cya Covid-19 mu gihe abandi 203 bagikize.

Aba barwayi bashya bagaragaye Kigali:1, Kirehe:6 na Karongi:5 (amatsinda y’abapimwe mu nkambi z’impunzi), Nyagatare:1.

Ibi byasize umubare w’abantu bamaze kwandura iki cyorezo cya Covid-19 mu Rwanda ubaye 4,953, mu gihe abamaze gukira bose hamwe ari 4,601 naho bakirwaye ni 319 mu gihe abamaze guhitanwa n’iki cyorezo ari 33.

Abanyarwanda barasabwa kutirara ngo bumve ko icyorezo cyarangiye bityo bakagirwa inama yo gukomeza kubahiriza amabwiriza yashyizweho arimo kwambara neza agapfukamunwa buri gihe bavuye mu ngo bagiye ahahurira abantu benshi, bakaraba intoki kenshi, birinda amakoraniro n’ubundi buryo bushobora guteza ingorane.

Ibimenyetso bya Coronavirus birimo inkorora, guhumeka nabi, gucika intege n’ibindi. Uwo bigaragayeho akagirwa inama yo guhamagara umurongo utishyurwa wa 114 kugira ngo ahabwe ubufasha n’abaganga.

Noneho Leta yivanze mu kibazo cya wa musaza ufite ifoto imanitse ku Rwibutso rwa Jenoside rwa Kigali ruri Gisozi, uwunganira Paul Rusesabaginawo mu Bubiligi avuga uko yangiwe kumugeraho aho afungiye:





Tanga igitekerezo kuri iyi nkuru



Igitekerezo