Abanduye COVID-19 mu Rwanda bageze kuri 308, abandi 6 bakize

Kuri uyu wa Kabiri tariki 19 Gicurasi 2020, Minisiteri y’Ubuzima mu Rwanda (MINISANTE) yatangaje ko habonetse abarwayi bashya cumi n’umwe (11) ba COVID-19 bituma abamaze kuboneka mu gihugu banduye iki cyorezo bose hamwe baba 308.

Aba 11 bashya banduye COVID-19 mu Rwanda babonetse mu bipimo 1217 byafashwe kuri uyu munsi, ibipimo byose hamwe bimaze gufatwa bikaba ari 52,335 ari na byo byabonetsemo abarwayi 308.

MINISANTE ikomeza ivuga ko kandi abantu batandatu mu bari barwaye COVID-19 bakize kuri uyu wa Kabiri, bivuze ko abamaze gukira bose hamwe ari 209.

Abakirwaye COVID-19 mu Rwanda ni 99, kugeza kuri uyu wa Kabiri icyo cyorezo kikaba nta muntu kirahitana mu Rwanda.

Uko covid-19 ihagaze mu bihugu bituranye n’u Rwanda

- Mu Burundi abanduye ni 42, abapfuye ni umwe, abakize ni 22,
- Muri Tanzania abanduye ni 509, abapfuye ni 21, abakize 183,
- Muri Kenya abanduye ni 963, abapfuye ni 50, abakize ni 358,
- Muri Uganda abanduye ni 260, abapfuye ni 0, abakize ni 63,
- Muri DRC abanduye ni 1,629, abapfuye ni 61 abakize ni 290,

Muri Afurika abanduye bose hamwe ni 93,229 abapfuye ni 2,923 abakize ni 36,809.

Mu Isi yose kugeza kuri uyu wa Kabiri tariki ya 19 Gicurasi habonetse abanduye bashya 6,057 bituma abanduye bose baba 4,988,994, abamaze gupfa biyongereyeho 404 bituma baba 324,958, abamaze gukira bose hamwe ni 1,959,149.


Kuri uyu wa Kabiri mu Rwanda abarwaye Covid-19 biyongereyeho 11, hakira abandi 6

Yari indaya ikomeye muri Kigali aho urumogi, itabi, inzoga byari byo byishimo bye ariko ubu Imana yaramuhinduye abana n’umugabo we neza:





Tanga igitekerezo kuri iyi nkuru



Igitekerezo