Abageni bataye abagabo babo mu bukwe bigira gukora ibizamini mu ishuri

Abageni babiri bo mu gihugu cya Nigeria batunguye abantu benshi ubwo bemeraga gusiga abagabo babo bari bagiye kwambika impeta y’ubutazatandukana bakajya gukora ibizamini byo mu ishuri bambaye imyenda y’ubukwe barangiza bakajya bagaruka mu bukwe ibirori bigakomeza.

Aba bageni uko ari babiri bafashe icyemezo cyo gusiga abagabo babo mu bukwe bakajya mu bizamini byo mu mashuri yabo nyuma yuko bihuriranye n’amatariki y’ubukwe bwabo bityo bahitamo kwemera guhara uburyohe bw’ibirori byabo ndetse banambaye imyenda y’abageni bakajya no gukora ibizamini.

PNG - 699.2 kb
Dorcas na Deborah bakora ikizamini nta kibazo bafite ndetse banambaye imyenda y’abageni


Aba bakobwa babiri Dorcas na Deborah bigaga ibijyanye n’itumanaho muri Kaminuza ya Benue State University iherereye ahitwa Makurdi, batunguye benshi barimo na bagenzi babo bakoranye ikizamini kuko bari bazi ko batari bwitabire, birangira baje bambaye imyenda y’ubukwe barabikora.

PNG - 777 kb
Dorcas na Deborah batangaje abantu cyane kuri iki cyemezo cyo kwemera gusiga abagabo babo mu bukwe bakajya mu bizamini


Aba bakobwa bakoze ubukwe taliki ya 07 Mata 2018,umunsi wahuriranye n’ibizamini byabo banga gusubika ubukwe niko kujya mu bizamini babirangije imihango y’ubukwe irakomeza,ibintu byashimishije abarimu babo cyane ndetse babita intangarugero.

PNG - 861.7 kb
Dorcas na Deborah bicaye ku kizamini nk’abandi banyeshuri

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo