Ababuze ubushake mu gutera akabariro, abashaka gutsirika ababazengereje cyangwa kubashika babonye igisubizo

Habinshuti Jean Pierre ni umwe mu bavuzi Gakondo unabarizwa mu Ihuriro ry’Abavuzi Gakondo mu Rwanda (AGA RWANDA NETWORK), yaganiriye n’umunyamakuru w’umubavu.com amubwira nyinshi mu ndwara avura zirimo n’ababura ubushake mu gutera akabariro, abo usanga batakigira amarangamutima mu mabanga y’abashakanye, amarozi, abazinzwe, abashaka kugira ibyo batsirika, abo bashaka gushika yewe n’ubundi burwayi butandukanye bukunze kwibasira abantu b’ingeri zose.

Umunyamakuru yatangiye amubaza ibyo akora, indwara avura maze nawe ati " dufite imiti myinshi itandukanye ibasha gufasha abantu nibwira ko n’abatabasha kuyibona bashaka uburyo bayibona kugira ngo ibafashe, icya mbere dufite umuti wongera ubushake mu mibonano mpuzabitsina aricyo twakwita kugira amarangamutima (Sentiments), uyu muti rero si icyo ukora gusa kuko ukora no ku bantu bazizwe kutagira Sentiments, uwo muti urakomeye! Cyangwa se ukanakora ku bantu bafite cya gice cy’ubwonko gishinzwe imibonano mpuzabitsina gifite intege nkeya kuko uwo muti uragenda ugakangura icyo gice cy’ubwonko gishinzwe iby’imibonano mpuzabitsina bigatuma umuntu yongera gusubira ibusore agakora igikorwa cyo gutera akabariro yubaka urugo mbese akabikora nta mpungenge.......(umuti awereka umunyamakuru).

Iyumvire muri Video indwara nyinshi uyu muvuzi Gakondo avura:

Akomeza agira ati "uwo muti rero turawufite, ni umuti w’ifu, ugizwe n’amoko 10 y’ibyatsi bivangavanze, iyo umuntu awukoresheje mu gihe kitarenze iminsi 3 aba yamaze kubona igisubizo, ntabwo biba bikiri ngombwa ko ujya kubonana n’uwo mwashakanye ngo bigusabe kujya kumutegura, umukoraho, umwegera kuko uba uri muzima rwose kandi wuzuye nta kindi kibazo ufite".

Umunyamakuru yatangariye iyi miti irimo ihembe, impu n’ibindi bitandukanye maze amubaza ibyo aribyo nawe ati " hano tugira imiti myinshi itandukanye nkuko tuvura indwara nyinshi, dufite imiti ivura nk’uwo wa Sentiments uvura ibijyanye n’uburemba no kuri ibyo bijyanye n’amarangamutima mu mabanga y’abashakanye ariko dufite imiti myinshi ijyanye n’iby’abazimu, abantu bafite ibintu bya Gakondo, imiterekero, imitongero, za Nyabingi, ibijyanye n’uruzingo, ibijyanye n’indagu byose dufite imiti yo kubivanaho bikagenda byose bikavaho kuko nibyo usanga abantu bavuga ngo bafite imyaku, inyatsi, imikoshi dufite uwo muti rero dukoresha mu kubikuraho".

Akomeza agira ati " ba bantu bagira za Nyabingi zirara zitera amabuye hejuru y’inzu, ibintu birara bigenda hejuru y’inzu, ba bantu barara barotaguzwa bameze nk’abasazi, za ndagu zibafashe cyangwa na za Nyabingi zibafashe, iyo tumaze kubaha uyu muti bya bintu byose umuntu yararaga yumva bihita bigenda bikavaho bikajya iwabo ntuzongere kubyumva bityo ukorora, ugahinga, ugatunga, ugatunganirwa ntugire ibindi bibazo wongera guhura nabyo".

Uyu muvuzi Gakondo yakomeje avuga ko agira imiti myinshi cyane ngo ku buryo ngo hari n’iyo yakoresha agashobora gushika umuntu (Guhamagaza umuntu runaka ushaka mukaba mwavugana nyamara mutari kumwe).

Yabajijwe kandi ku bijyanye no gutsirika n’uburyo abikora avuga ko bikorwa mu buryo guha ubudahangarwa umuntu kugira ngo nihagira ibiza ntibimubashe, ati "gutsirika si iby’ubu kuko na kera byahozeho, rero iyo tubikora tuba tugira ngo bya bintu nibiza bigakora ku mibiri we, ntibigire icyo bimutwara cyangwa bimuhungabanyaho".

Asoza ikiganiro yagiranye n’umunyamakuru w’umubavu.com agenera ubutumwa abavuzi Gakondo bagenzi be by’umwihariko na Nyirahabineza Jane uyoboye Ihuriro ry’Abavuzi Gakondo (Aga Rwanda Network) nyuma yuko MINISANTE yeguje Gafaranga Daniel wari ubahagarariye ko barushaho kunoza umwuga wabo birinda kwica izina ryabo.

Umuvuzi Gakondo Habinshuti Jean Pierre akorera I Nyamirambo ugeze kuri 40, umukeneye ushobora no kumuvugisha kuri Nomero ya Telefoni igendanwa 0789388195/0728816224.

@Umubavu.com





Tanga igitekerezo kuri iyi nkuru



Igitekerezo
hassan mugwiza Kuya 10-08-2019

uwo muganga afite akamaro niba Atari ibyo kwamamaza gusa

ntihanabayo valens Kuya 22-03-2019

arikose birashoboka

ntihanabayo valens Kuya 22-03-2019

arikose birashoboka