Abazengerejwe n’abarozi babagendaho bararye bari menge

Ubuvuzi bukoresha imiti Gakondo bwahozeho mu Rwanda mbere y’uko haduka ubuvuzi bukoresha imiti ya kizungu, indwara zitandukanye zavurwaga hifashishijwe imiti Gakondo, wasangaga umuntu yarakiraga ndetse ntihagire ingaruka zimugeraho ziturutse ku miti yafashe.

Kuri ubu umuvuzi Gakondo Twagirimana Leonce Jeremie ukoresha ubu buryo avuga ko avura indwara zifata imyanya y’ubuhumekero, urwugano ngogozi, indwara zifata mu mitsi n’izifata imyanya myibarukiro ariko cyane cyane akibanda ku ndwara zituruka ku marozi.

Reba Video hano

Uyu muvuzi Gakondo avuga ko mu bavuzi bwe yahisemo kwibanda ku ndwara ziterwa n’amarozi nyuma yo kubona uburyo usanga abantu bahemukira abandi bakabaroga babahoye ubusa, bityo agira ishyaka ryo gutabara aba bantu akajya abavura.

Twagirimana Leonce Jeremie avuga ko mbere yo gutekereza kuvura aba bantu baba barozwe, yabanje gukora ubushakashatsi muri aba bantu barogwa ndetse n’ubw’imiti yakoresha avura amarozi.

Yagize ati “ibi byatumye nshaka imiti maze gukora ubushakashatsi mu bantu bafite ubumenyi bunyuranye nyuma mvumbura imiti irimo uwitwa ‘Rudahusha’, umuti ushobora kunywa uwuvanze n’ibyo kunywa ukakuvura amarozi yaba ayo wariye cyangwa watezwe. Uyu muti kandi ushobora no kuwuvanga n’igikoma cyangwa mu isupu/isosi ukawunywa ya marozi akagenda akuvamo gahoro gahoro kugeza avuye mu mubiri wawe burundu”.

Uyu muvuzi kandi ngo afite n’undi muti w’amavuta muntu yakoresha awisize ukamuvura amarozi y’amahuherano (y’amategano), aho umuntu yanawisiga agiye nk’ahantu azi ko bashobora kumuroga bityo akagenda mu mudendezo yizeye ko naho bamuroga/bamuhumanya ntacyo biramutwara.

Hari kandi n’undi muti ushobora kuvura amarozi bakunze kwita ‘ibisazi’ aho uyu muvuzi ngo ashobora kuwutwika umwotsi wawo ukavura umuntu indwara zijyanye no kuyoba mu bitekerezo. Uyu muti ngo yawise ‘Rudahusha NO2’, uw’amavuta wavuzwe hejuru yawise ‘Rudahusha NO3’, uwo kunywa nawo twavuze hejuru yawise ‘Rudahusha NO1’ ngo kubera iyi miti ye itajya ihusha uburwayi buterwa n’amarozi mu kuyavura.

Abajijwe impamvu usanga umuntu wariye uburozi ashobora kujya kwa Muganga bamutera inshinge agahita apafa, yasubije agira ati “ibintu biri Produits Chimiques n’ibintu bya Gakondo ya Kinyarwanda ni ibintu bikunda kunyurana, umuntu iyo bamuroze bashobora kumuha Acide, ibindi bintu by’imyanda kuko haba mu nyamaswa hashobora kuvamo ibirozi yewe no mu bimera ndetse n’ibigendanye n’imyuka dore ko hari ibyo bashobora gutega umuntu agahita apfa, rero ushatse kubivurisha urushinge cyangwa ibinini ni ibintu byahita byica umuntu ako kanya mu gihe twebwe iyo tuvura Kinyarwanda umuntu warozwe atugannye, dufite uburyo tumuvuramo, turamusuzuma tukamuvura”.

Yakomeje avuga ko mu buvuzi bwe bwa Gakondo bidakuyeho ko adafatanya n’abavuzi ba Kizungu ngo kuko indwara zose ataba ari amarozi cyane ko hari ababa barwaye umwijima, Constipation, isereri iterwa na Stress z’uburyo bunyuranye nyamara bakaza bavuga ko barozwe.

Bityo bamwe mu batugana hari abo tubwira kujya kwa Muganga, tunababwira kandi kugira Mituweli kuko nange ndayigira, rero kuba dukoresha imiti ya Gakondo ntibivuze ko turwanya ubuvuzi bwa Kizungu ariko niba umuntu bamuroze, bamuteze, bamuhuhereye (ibikunze kwitwa ibitukirano) akenshi n’iyo agiye kwa Muganga baramupima indwara ikabura kandi arembye/asambagurika, rero araza tukamuha imiti yo kunywa, iyo kwisiga cyangwa n’iyo kwiyuka mu gihe afite nk’ikibazo mu bitekerezo.

Uyu muvuzi Gakondo avuga ko hari ubuhamya bufatika bw’abantu iyi miti yagiye ifasha aho ngo hari n’abava mu mahanga bakaza kuyifata/kuyigura.

Ati “ iyo tuvuga ngo ubuvuzi Gakondo bwa Kinyarwanda, bunambuka imipaka, abandi baraduhamagara bati ‘hari imiti yanyu yagiye idufasha’ tukayiboherereza mu mahanga, n’I Burayi iyi miti yacu igerayo”.

Twagirimana Leonce Jeremie ni umuvuzi Gakondo ufite Kampani yitwa ‘Ivura Ivanze Company Ltd’, akorera Nyabugogo nk’Icyicaro Gikuru/Ahakunze kwitwa ku Muteremuko, umukeneye ngo amufashe gutsirika abarozi bamuzengereje, bamugendaho, bamubujije kugira ubuzima buzima ngo akore yiteza imbere, yamuhamagara kuri Telefoni igendanwa nomero 0788485435.

@Umubavu.com





Tanga igitekerezo kuri iyi nkuru



Igitekerezo
MUGWANEZA JEAN PAUL Kuya 28-01-2019

Uwo muganga nakomereze aho niba imiti ye yarapimwe n’ikigo cy’ubuziranenge.
Murakoze