Leta y’u Rwanda yateye utwatsi ubusabe bwa Amerika busaba kudaca caguwa

Nyuma y’igihe gito Leta y’u Rwanda ifashe icyemezo cyo guca burundu caguwa, kuri ubu yatangaje ko idatewe uwoba n’igitutu cya Leta Zunze Ubumwe za Amerika ku bijyanye no kugabanya imisoro ndetse no guca imyenda ya caguwa yewe n’ikoreshwa ry’ibikomoka ku mpu.

Mu cyumweru gishize Leta y’u Rwanda yatangaje ko itazigera ihindura icyemezo yafashe ndetse ko no mu nama y’abakuru b’ibihugu bya Afurika y’i burasirazuba izabera i Kampala muri Uganda izakomeza guhagarara kuri iki cyemezo.

Umunyamabanga wa Leta muri Minisiteri y’Ububanyi n’Amahanga, Olivier Nduhungirehe yatangarije The Easter African ko icyemezo u Rwanda rwafashe kizakomeza nta nkomyi.

Yagize ati “Dushaka gushyira mu bikorwa itegeko ry’aho ibicuruzwa bikomoka, byagaragaye ko ibicuruzwa bimwe bikorerwa mu Bushinwa, bigakoreshwa muri Afurika nyuma bikaza kujugunywa muri Afurika.

Bwana Nduhungirehe yongeyeho ko u Rwanda rwiteguye kuganira na Amerika kuri iyi ngingo mu rwego rwo kwirinda inkurikiza zihari zishobora kwangiriza umubano w’ubucuruzi hagayi y’ibibugu byombi.

Abakuru b’ibihugu byo muri aka karere bateganya ko imyenda ya caguwa izaba yaciwe burundu mu mwaka wa 2019 gusa Amerika yari yatangaje ko ibi bihugu bikwiriye kureka uyu mwanzuro cyangwa bikazafatirwa ibihano kuko ngo bibangamiye ubwisanzure bw’ubu curuzi.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo