U Rwanda rwatangije uburyo bushya bwo gushishikariza amashuri makuru kuza gukorera mu Rwanda no gushishikariza abanyeshuri bo hanze y’u Rwanda kuza kwigira mu Rwanda amashuri makuru muri gahunda bise (Study in Rwanda).

Mu kiganiro n’abanyamakuru cyabaye kuri uyu wa kabiri ubuyobozi bwa Center Education Network (CEN) bwabwiye abanyamakuru ko u Rwanda ari igihugu gitekanye, gisukuye, gifite abaturage bagira urugwiro, gisurwa cyane na ba mukerarugendo , gifite ikirere kirimo amahumbezi, gifite murandasi yihuta n’ubumenyi bukenewe.

Center Education Network (CEN) imaze imyaka 15 ishaka abanyeshuri baza kwiga mu Rwanda n’amashuri makuru aza gushora imari yayo mu Rwanda, Umuyobozi wayo yabwiye abanyamakuru ko batangije uburyo bushya bwo gushishikariza abanyamahanga kuza kwiga mu Rwanda (Study in Rwanda) mu rwego rwo kuzamura uburezi bw’u Rwanda no gushishikariza abanyeshuri bo mu bihugu bitandukanye byo hanze y’u Rwanda kuza kwigira mu Rwanda.

Study in Rwanda ije ari igisubizo ku burezi bwo mu Rwanda kuko ngo izazamura ireme ryo mu Rwanda ndetse ikongerera amashuri makuru ubukungu n’abanyarwanda muri rusange ikazongera n’ishoramari ku mashuri makuru akomeye ku isi kuza gukorera mu Rwanda.

Gakwandi uyobora center Education Network (CEN) yavuze ko bashaka ko abanyeshuri bo muri Afrika, hanze y’umugabane wa Africa ko baza kwigira mu Rwanda, u Rwanda rukaba igicumbi cy’uburezi bufite ireme n’ubushakashatsi.
Center Education Network (CEN) ifite icyerekezo cyo guhindura u Rwanda igihugu cyiza cyo guhitamo ahantu heza ho kwigira muri Africa, no kuzamura ireme ry’uburezi, gushishikariza abashoramari kuza gushora imari yabo mu burezi bwo mu Rwanda.

Ati, “ igihugu gitekanye, gisukuye, gifite abaturage bagira urugwiro, gisurwa cyane na ba mukerarugendo , gifite ikirere kirimo amahumbezi, gifite murandasi yihuta n’ibindi.[ ] Ikigamijwe muri gahunda ya Study in Rwanda ni ukureshya Kaminuza nyinshi zo hanze kuza gukorana n’izo mu Rwanda kugira ngo zizigireho, ireme rirusheho kuzamuka, ikintu k’ingenzi ni ugufasha za Kaminuza z’u Rwanda kwigira ku zindi.”
Abarimu batanze ikiganiro bavuga ko zimwe mu mpamvu zatuma abanyamahanga baza kwigisha cyangwa kwiga mu Rwanda ari uko ngo ari igihugu gitekanye, gisukuye, gifite abaturage bagira urugwiro, gisurwa cyane na ba mukerarugendo , gifite ikirere kirimo amahumbezi, gifite murandasi yihuta n’ibindi.

Prof Tombola Gustave avuga ko hari ubwo abantu bajya kwiga mu mahanga kandi no mu Rwanda hari uburezi bufite ireme

Nyuma yo gusobanura ibyo byose abanyamakuru babajije icyo abahagarariye ziriya Kaminuza bavuga ku ngingo zitandukanye zirimo iy’uko abakire cyangwa abandi banyapolitiki bohereza abana babo kwiga hanze kandi mu Rwanda naho hari za Kaminuza.

Prof Tombola yagize ati:“ Umukire ashobora gutanga amafaranga ye menshi mu mashuri y’umwana we hanze kuko ayafite ariko ugasanga amasomo umwana we yiga ntaho ataniye nayo uwiga mu Rwanda.”

Iyi gahunda yiswe ‘Study in Rwanda’ iri gukorwa ku bufatanye bw’Ikigo cy’igihugu cy’iterambere(RDB), Ikigo cy’igihugu cy’uburezi( REB) Open University, Carnegie Melon Un, African Leadership University(ALU)
U.G.H.E.(University of Global Health Equity), African Institute of Mathematical Studies,Kaminuza y’u Rwanda n’izindi.

Ni inama yahuje abantu bakora mu nzego z’uburezi zitandukanye

By Nsengimana Theoneste

---

---