Ibyo wamenya ku noti ikunze kuba imanitse kuri ‘Guichet’ ya Banki yanditseho ‘Specimen’

Muri banki hafi ya zose ku kirahuri gitandukanya umukozi wa Banki utanga amafaranga n’ umukiriya wa Banki haba hamanitse inoti yanditsemo ijambo ‘Specimen, iyi noti ngo ntabwo ari inoti isanzwe nta nubwo ari inyiganano nk’uko abenshi usanga babyibwira.

Abantu batandukanye babajijwe ku by’iriya noti, basubije ko ari inoti y’inyiganano Banki ifatana umukiriya ikayimanika hariya.

Umukozi wa Banki Nkuru y’u Rwanda (BNR) yatangarije abanyarwanda ko iriya atari inoti ibonetse yose ndetse ko atari inoti y’igicupuri cyangwa inyiganano nkuko abantu benshi bakunze kubitekereza.

Ngo iriya noti iba iriho ibiranga inoti nzima kugira ngo niba uketse ko inoti ufite ari igicupuri urebere kuri iriya yanditseho ‘Specimen’.

Yagize ati “Inoti iriho Specimen ni sample. Bivuga ko iriya noti ari iyo kugaragariza abantu ibiranga inoti nzima, bayishyira hariya kugira ngo mu gihe ushidikanya ku note ufite urebe kuri iriya”.

Uyu mukozi wa BNR yakomeje avuga ko iyi noti yanditseho Specimen irangwa 0000000 mu gihe izindi noti ziba zifite imibare igizwe n’imibarwa itari amazeru gusa.

Inoti z’inyiganano nazo hari igihe bazimanika kuri guichet gusa ngo inoti y’inyiganano iyo bagiye kuyimanika barayitobagura kandi yo iba ifite imibare itagizwe n amazeru. Muri make inoti y’inyiganano iba ifite imibare imeze nk’iyo ku noti nzima.

PNG - 693.4 kb
Iyi noti ntabwo ari inoti isanzwe nk’izindi, nta nubwo ari inyiganano nk’uko abenshi usanga babyibwira

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo