Ibiciro by’ingendo ku modoka zitwara abagenzi byongerewe

Ikigo cy’ ngihugu ngenzura mikorere RURA cyatangaje ko ibiciro by’ingendo byazamuwe. Mu mugi wa Kigali igiciro cy’urugendo mu modoka zitwara abagenzi mu buryo bwa rusange cyavuye ku mafaranga 20 ku kilometero kimwe kigera ku mafaranga 22 mu gihe ku mugenzi uva mu mujyi umwe ajya mu wundi cyavuye ku mafaranga 19 kikagera kuri 21.

Ibi biciro bishya bizatangira kubahirizwa kuwa Mbere tariki ya 2 Mata 2018.

Ibi bitangajwe nyuma y’ uko kuva mu mwaka ushize wa 2017 buri mezi abiri RURA yatangazaga ibiciro bishya bya Essence na mazutu inshuro zose ikerekana ko byazamutse. Nibura kuva muri Nyakanga umwaka ushize essence imaze kuzamukaho amafaranga 60 y’u Rwanda kuri litiro imwe.

Ibiciro by’ingendo byatangajwe none birasimbura ibyatangiye gukurikizwa ku wa 1 Ugushyingo 2015, icyo gihe urwego ngenzuramikorere RURA n’ibigo bitwara abagenzi bakaba bari bemeranyije ko ibiciro bishobora gusuzumwa niba byasubirwamo, mu gihe igiciro cya litiro imwe ya mazutu cyarenza amafaranga 960.

Umuvugizi wa RURA Anthony Kulamba, yavuze ko urwego rwo gutwara abantu rumaze gutera imbere, ariko hakenewe kureba ko urwego narwo rusugira ngo n’abashoramari bunguke.

PNG - 716.4 kb
Gare yo mu Mujyi rwa gati ni yo ibarizwamo imodoka zijya muri Kigali hose
PNG - 873.4 kb
Ku bantu bagiye mu bice bitandukanye bya Kigali, ibiciro byiyongereyeho amafaranga 5%
PNG - 925 kb
Ku bagenzi bajya mu ntara (nk’abategera Nyabugogo), ibiciro byiyongereye ku kigero cya 7%

Daniel MUKESHIMANA@Umubavu.com





Tanga igitekerezo kuri iyi nkuru



Igitekerezo