Hatahuwe ko HEC yahaye buruse abanyeshuri 17 ba baringa barimo n’uwapfuye

Inama y’igihugu y’Amashuri Makuru na za Kaminuza HEC ntiyashoboye kubona ibisobanuro binyura abadepite bashinzwe gukurikirana imari n’umutungo bya Leta ku bibazo birimo kuba yarahaye buruse abanyeshuri 17 ba baringa bigahombya Leta miliyoni 40.

Byagarutsweho ubwo iki kigo kitabaga PAC ngo gitange ibisobanuro ku makosa yakiragaragayemo ari muri raporo y’umugenzuzi mukuru w’imari ya Leta.

Muri iki kiganiro cyakozwe mu buryo bw’ikoranabuhanga ry’amajwi Depite Uwimanimpaye Jeanne d’Arc yabajije HEC impamvu itanga buruse itabanje kureba abo igiye kuyiha.

Ati “Ubundi mujya gutanga amafaranga, UR kuki itavuga ngo twebwe dufite abanyeshuri b’inguzanyo bangana gutya”.

Umuyobozi Mukuru wa HEC Dr Rose Mukankomeje, mu gusubiza iki kibazo yemeye ko ayo mafaranga yishyuriwe abantu 17 badahari barimo n’uwapfuye.

Yagize ati “Ku mafaranga ya tuition fees yatangiwe umunyeshuri kandi atagihari, UR yarayakiriye. Icyo rero twakoze tumaze kwicarana nabo ni ukuvuga ngo kuba twarishyuriye umunyeshuri utagihari kandi arimwe muduha imibare ayo mafaranga mugomba kuyasubiza”.

Izi miliyoni 40 kuzibaza UR yonyine nabyo ntabwo abadepite babyumva neza kuko HEC na UR byombi ari ibigo bya Leta.

Bati “Leta izagarura ayo mafaranga gute? Uyu wapfuye mwayahaye yarapfuye azagaruka ate?”

Dr Rose Mukankomeje umaze igihe gito ahawe kuyobora HEC yavuze ko agiye kwicarana na UR bagashaka uko bagaruza aya mafaranga, gusa biragoye kugaruza aya mafaranga kuko ari inguzanyo ihabwa umunyeshuri akazayishyura none aba banyeshuri 17 bahawe iyi nguzanyo ntibahari.

Muri aya mafaranga y’inguzanyo ihabwa umunyeshuri harimo ibihumbi 35 (yahoze ari 25 000), ashyirwa kuri konti y’umunyeshuri akamufasha mu mibereho ye.

Ku mpungenge z’abadepite bavuga ko kuyagaruza bigoye, Dr Mukankomeje yavuze ko nubwo aya mafaranga ashyirwa kuri konti y’umunyeshuri, uwo munyeshuri aba afitanye amasezerano na Banki y’igihugu itsura amajyambere BRD.

Ati “Tuzongera twicaranye uko turi babiri UR na HEC tuganire turebe ukuntu ayo mafaranga yagaruka mu isanduku ya Leta… Living allowances rero umunyeshuri asinyana contract na BRD, ubwo nabo tuzongera twicarane turebe ukuntu ayo mafaranga yagiye yagaruzwa”.

Umwe mu badepite ati “Uyu muntu muzi ko mwamuhaye atakiga, ubwo bivuze ko nanjye najya muri BRD ngasaba amafaranga nkazayishyura. Iriya ni inguzanyo ihabwa by’umwihariko abanyeshuri”

Mu bindi bibazo HEC yisobanuyeho harimo icya mudasobwa zari zigenewe abanyeshuri zamaze imyaka 6 mu bubukiko bwayo zikahangirikira kandi iki kigo gihora gitumiza izindi mudasobwa.

Umukozi ushinzwe imari n’ubutegetsi muri HEC abadepite bamubwiye ko atakabaye abona icyo asubiza kuri iki kibazo, gusa nawe yemeje ko izi mudasobwa zasubijwe mu bubiko ndetse ko zangiritse.

Hakorwe iki ngo tugere ku mibereho myiza y’Abanyarwanda, iyumvire ikiganiro kirambuye UMUBAVU TV ONLINE wagiranye na Madamu Victoire Ingabire Umuhoza, umuyobozi w’ishyaka ritavuga rumwe n’ubutegetsi rya DALFA Umurinzi ariko ritaremerwa n’amategeko mu Rwanda:





Tanga igitekerezo kuri iyi nkuru



Igitekerezo
S Kuya 17-09-2020

Nawe urabyumva, hari icyinjira mu mufuka iyo hari ibintu bishya bitumijwe.

Kambo Kuya 17-09-2020

Mwiriwe neza!

Leta yashyizeho #PAC kugira ngo ijye ikurikirana umuntungo wayo yarakoze kuko mugiye kuzajya mufata ibisambo biturimo. Nonese mwambwirako ayo amafaranga yabuze habuze umuntu ubifitemo uruhare kand runakomeye . Ahubwo mubikurikirane ubundi ubutabera bushyirwe mubikorwa.murakoze

Luc Kuya 17-09-2020

Hahahhhh ibi no muri za famille zacu birahaba ! Ugasanga ibiryo muri poubelle kandi ukabona baratetse uti ese kuki mutashyuhije biriya ? Bati wapi nta gushyushya ibikonje .ibi ni gaspillage indwara ituruka ku bwirasi bwa muntu kanfi imana irabyanga sana! Computer zarangiritse izindi ziratumiza ibyo nobiki ni ukubera ibifaranga byabaturage ( imisoro) biba bigomba kuribwa bigashira ngo haze ibindi ntakindi kibitera