Umunyamakuru Camille Athanase amaze kuba Mayor wa Gicumbi

Camille Athanase amaze gutorwa yasohotse avugana n’abanyamakuru bacye bari hano, ababwira ibyo agiye gukora muri izi nshingano nshya.

Yavuze ko ibibazo by’Akarere ka Gicumbi asanzwe abizi nk’umunyamakuru kandi akaba n’umujyanama. Avuga ko azacukumbura n’ibindi akanafatanya n’itangazamakuru ngo bibonerwe umuti.

Athanase yavuze ko Komite nyobozi zari ziriho usanga zaragiraga gahunda nziza y’ibikorwa ariko ngo gufata umwanzuro mu kubikora hakabamo gutinda, iki ngo ni kimwe mu byo abona azagerageza guhindura.

JPEG - 18.7 kb
Umunyamakuru Camille Athanase agiye kuyobora Akarere

Umunyamakuru Camile Athanase wa Rwanda Broadcasting Agency, RBA niwe umaze gutorwa n’Abajyanama b’Akarere ka Gicumbi ngo abe umuyobozi wako by’agateganyo.

Ni nyuma yo kwegura k’uwari watowe by’agateganyo Jean Claude Sewase Karangwa amaze iminsi itandatu gusa, Abajyanama uyu munsi bahise baterana ngo batore uba ayoboye Akarere.

Amakuru atugeraho aremeza ko bamaze gutora Camile Athanase usanzwe ari umunyamakuru w’ikigo k’igihugu cy’itangazamakuru, RBA.

JPEG - 170.7 kb

Camille amaze imyaka irenga ibiri ari umujyanama w’Akarere ka Gicumbi, ubu akaba yari umunyamabanga w’iyi nama Njyanama y’Akarere.

Umunyamakuru w’Umuseke mu karere ka Gicumbi aravuga ko Inama Njyanama yateranye mu muhezo, abanyamakuru bangiwe kuyinjiramo muri iki gikorwa cyo gutora umuyobozi w’agateganyo w’Akarere.

Aravuga ko amakuru ava imbere mu cyumba iyi nama iri kuberamo avuga ko Camille ari we wagiriwe ikizere.

Nyuma gato y’amatora, kuri telephone, Camille yabwiye umunyamakuru ko koko yagiriwe iki kizere.

JPEG -





Tanga igitekerezo kuri iyi nkuru



Igitekerezo