Perezida Magufuli yirukanye abakozi 2 ku kazi nyuma yo kubakankamira kuri Televiziyo

Perezida wa Repubulika ya Tanzaniya, John Pombe Magufuli yirukanye abakozi babiri ba Leta bayoboye amakomini nyuma yo gukankamira umwe muri bo kuri televiziyo ubwo banairwaga kumusobanurir aho bageze bakusanya amafaranga yo gukora imwe mu mihanda yo mu makomini bayoboye.

Ibi byabaye nyuma yaho abajije abayobozi babiri b’amakomine amafaranga baba bamaze kwegeranya yo gukora imwe mu mihanda yo mu duce bayoboye.

Nta numwe muri aba bakozi washoboye gusobanura ku byo yabazwaga na Magufuli kuko nyuma y’amasaha make ari bwo bose bahise birukanwa mu kazi nta bundi busobanuro butanzwe.

Abakurikiranira hafi imikorere ya Perezida Magufuli bavuga ko kuri ubu agenda arema uburyo bwo gutuma abantu batavuga, mu gihe hari abandi bashima uburyo atajya yihanganira ibintu byose bidasobanutse mu gihugu ayoboye.

Abaturage ba Tanzaniya bamuhimbye akazina ka "the buldozer" bitewe n’uburyo yakoraga cyane akiri Minisitiri.

Perezida Magufuli yirukanye abo bakozi ku munsi wa mbere, ari mu birori mu birori mu karere ka Bukoba, mu burasirazuba bw’igihugu cya Tanzania.

Ibi byagiye ahagaragara nyuma yo kubona videwo y’amasegonda 30 mu rurimi rw’igiswahili yacicikanye ku mbuga nkoranyambaga yerekana Magufuli abaza Mwantum Kitwana Dau kumubwira umubare w’amafaranga yateguye yo gukora imwe mu mihanda yo mu ntara ayoboye akabiburira igisubizo.

Mwantum Kitwana Dau akibitekerezaho ngo abyibuke nibwo Perezida Magufuli byamunaniye kubyihanganira aramukankamira kuri Televiziyo.

Madamu Dau yavuze ko agenzura uduce twinshi mu kazi ke bityo ko adashobora kwibuka uwo mwanya amafaranga yageneye icyo gikorwa.

Bwana Magufuli yahise amusubiza amukankamira agira ati: "ntiwari ukwiye kunsubiza gutyo."

Umukuru w’igihugu cya Tanzaniya akunze kugenderera bamwe mu bayobozi abatunguye akagenzura abakozi badakora neza akazi kabo.

Kuva agiye ku butegetsi mu myaka ibiri irangiye, Perezida Magufuli yemeye ko agiye kurandurana n’imizi ingeso yo kurya ruswa mu gihugu ayoboye.

Mu kwezi kwa kane, Bwana Magufuli yirukanye abakozi ba leta basaga 10,000 bavugwagaho kugira ibyangombwa by’ibififikano.

Kuva ajya ku butegetsi kandi yakuye ku rutonde abakozi bagenerwaga umushahara nyamara batabaho.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo