Odinga yahawe inkwenene nyuma yo kurahira wenyine

Kuri uyu wa Kabiri tariki ya 30 Mutarama 2018, ku kibuga kizwi nka Uhuru Park niho habereye irahira rya Raila Odinga nka Perezida , umuhango ukaba wabaye Kalonzo Musyoka nawe wari utegerejwe kurahirira kuba Visi Perezida yitandukanyije na Odinga ku munota wa nyuma, ibintu byatumye abantu benshi baha inkwenene ibi bikorwa bashingiye ko igihugu gifite umuyobozi warahiye mu buryo bwemewe n’amategeko ari we Perezida Uhuru Kenyatta kuri ubu uri mu nama y’ abakuru b’ ibihugu I Addis Abeba mu gihugu cya Ethiopia.

Mu gihe uyu muhango wabaga wari wanitabiriwe n’imbaga y’abarwanashyaka ba Raila Odinga binavugwa ko yarahiye kubera igitutu cyabo, wabaye Kalonzo Musyoka nawe wari utegerejwe kurahira nka Visi Perezida yitandukanyije n’ibi bikorwa kimwe n’abandi bayobozi bakuru b’ishyaka rya NASA barimo Moses Wetang’ula and Musalia Mudavadi.

Nyuma yuko Kalonzo Musyoka ndetse n’aba bayobozi bafatanyije na Odinga kuyobora ishyaka bitandukanyije n’uyu munyapolitiki mu muhango wo kurahira, bamwe ku mbuga nkoranyambaga zabo basetse cyane ibikorwa by’aba bagabo banabyita amahano ku gihugu gifite Perezida wemewe n’amatageko byanatumye bavuga byinshi ku mbuga nkoranyambaga zabo. Hari n’abarwanashyaka ba Odinga barijijwe no kubura Kalonzo Musyoka muri uyu muhango.

PNG - 654.2 kb
Odinga yahawe inkwenene bikomeye n’abantu batandukanye ku isi

PNG - 623.7 kb
Uhuru Kenyatta yari yibereye mu nama y’abakuru b’ibihugu i Addis Abeba
PNG - 427.4 kb
Bamwe mu bashyigikiye Odinga barijijwe no kubura Kalonzo mu irahira
PNG - 672.6 kb
Kalonzo yari yahungiye kure imihango y’irahira rya Odinga
PNG - 514.3 kb
Odinga yahawe inkwenene ku isi yose

PNG - 648.4 kb
Kalonzo wahunze kurahira nka Visi Perezida yagereranyijwe n’igihaza
PNG - 794.7 kb
Kalonzo yari yahungiye ahantu hatazwi

Odinga yarahiye mu gihe mu Gushyingo umwaka ushize, Uhuru Kenyatta yarahiriye kuyobora Kenya, ni umuhango witabiriwe n’abakuru b’ibihugu barenga 10, barimo na Perezida w’u Rwanda Paul Kagame.

Kenyatta yagiye kuri uyu mwanya nyuma yo gutsinda amatora yasubiwemo tariki ya 26 Ukwakira aho yagize amajwi arenga 98%.

Mu matora yari yabanje, Komisiyo y’amatora yari yemeje ko Uhuru Kenyatta yatsinze Raila Odinga ku majwi 54,27%, mu gihe Odinga yari yagize 44,74%.
Gusa Odinga yanze iki cyemezo, avuga ko habayeho kwiba amajwi, ahita anatanga ikirego mu Rukiko.

Nyuma yo gusubirishamo amatora, Odinga yanze kuyitabira ahubwo avuga ko ari we mukuru w’igihugu.

Irahira rya Odinga kandi ryasize bimwe mu bitangazamakuru bikomeye mu gihugu cya Kenya nka NTV na Citizen TV & Radio bifunzwe mu gitondo cyo kuri uyu wa Kabiri ku buryo bitari kumvikana cyangwa ngo bigaragare mu gihugu hose bikavugwa ko byazize ko byashakaga kwerekana umuhango w’irahira rya Raila Odinga.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo