Nigeria: Umukozi yanyereje amafaranga abyegeka ku nzoka avuga ko yayamize

Umukozi wo mu kigo cya Leta ya Nigeria gishinzwe gutegura ibibazo bitangwa mu mashuri, yirukanywe mu kazi nyuma yo gutanga ibisobanuro bisahwitse ku ibura ry’amafaranga angana n’ibihumbi 100 by’amadorari ya Amrika yose avuga ko yamizwe n’inzoka.

Philomena Chieshe yabwiye akanama gashinzwe igenzura mu kigo yakoragamo i Makurdi ko amafaranga afite agaciro kangana hafi ibuhumbi ijana by’amadolari ya Amerika yamizwe n’inzoka nkuko BBC ibitangaza.

Abashinzwe ubugenzuzi bamurahiriye ko ibyo avuga bidashoboka bityo ubusobanuro bwe buterwa utwatsi.

Urwego rushinzwe kurwanya ruswa muri Nigeria rwashyize ku rukuta rwa Twitter igisiga gihiga inzoka maze munsi bandikaho amagambo agira ati "nta mpuhwe ku nzoka imira amafaranga".

Ikibazo cya ruswa mu bakozi ba Leta muri Nigeria kiravugwa cyane kandi si ubwa mbere umukozi cyangwa umuyobozi ashinjwa kunyereza amafaranga menshi.

Mu mwaka ushize, ikigo gishinzwe kurwanya ruswa cyasanze mu nzu y’umuntu baje gusaka amafaranga agera kuri Miriyoni mirongo ine n’eshatu tatu z’amadolari (43M $).

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo