Museveni yahishuye impamvu yananiwe gusuhuza Perezida Kagame neza

Ubwo aheruka mu gihugu cya Uganda, Nyakubahwa Perezida wa Repubulika y’u Rwanda, Kagame Paul, ntiyabashije gusuhuzanya neza na mugenzi we wa Uganda, Yoweri Kaguta Museveni wahishuye ko impamvu ari uko ukuboko kwe kwari kuziritseho bande ibi bikaza kumubera ikibazo mu kubasha gusuhuzanya na mugenzi we bitewe nuko yari yavunikiye mu myitozo y’umukino njyarugamba uzwi nka karate.

Perezida Museveni ubwo yakiraga mugenzi we w’u Rwanda, Paul Kagame mu ngoro ye iri Entebbe mu mpera z’ukwezi gushize, yagaragaye ku mafoto aziritse bande ku kaboko k’iburyo ndetse bitewe n’ukuntu yananiwe gusuhuza neza mugenzi we bituma bamwe bavuga ibintu bitandukanye ku mbuga nkoranyambaga.

Ikinyamakuru Chimpreports kivuga ko bamwe muri aba bavugaga ko Museveni afite ikibazo cy’umwijima ndetse yari arimo arakorerwa operation izwi nka dialysis mu ndimi z’amahanga.

Ariko, abinyujije ku rubuga rwe rwa twitter ari kuganira n’abamukurikira kuri iki Cyumweru, perezida Museveni yavuze ko yari yavunitse yavunikiye mu myitozo ya karate.

Ibi akaba yarabivuze asubiza ikibazo cy’umuntu ukoresha twitter witwa Tom Olarker aho yagize ati: “Kuva mu 1976, ndi umukinnyi wa karate utarabigize umwuga. Iyo myitozo imfasha kumererwa neza ndetse n’iyo mvuye mu biro mu gicuku nkora imyitozo.”

Museveni yongeyeho ko rimwe rero yagize gutya akavunika mu ruteranyirizo rw’ukuboko n’ikiganza ari muri iyo myitozo mbere yo kuvuga ko ubuhanga muri karate ari bumwe mu butifashisha intwaro bukigishwa abashinzwe umutekano no muri iki gihe.

Iyi si inshuro ya mbere perezida Museveni yari agaragaye yavunitse ukuboko kandi kw’ibury, kuko mu 2005 yagiye muri Leta Zunze Ubumwe za Amerika afite akaboko kaziritseho bande nk’uko kwari kumeze mu minsi ishize nabwo gusuhuzanya na Obama birananirana amuha akaboko k’imoso ndetse Obama anamukiniraho aramubaza ati: “Hari umuntu wakurakaje umurebera igipfunsi?”.

Museveni aramusubiza ati: “Ni impanuka gusa”.

Icyo gihe perezida Museveni ariko yavuze ko ukuboko kwe yagukubise urugi rw’imodoka ubwo yihutaga ashaka kujya mu Buyapani kukavunika.

PNG - 750 kb
Perezida Museveni yasonanuye ko impamvu atasuhuje neza Perezida Kagame yari yavunikiye mu myitozo ya Karate

@Umubavu.com





Tanga igitekerezo kuri iyi nkuru



Igitekerezo
john Kuya 3-04-2018

Museveni aba agirango batamwicira umuti nawe nta muntu akizera ntiyabonye ibyabaye kuri Mugabe se

Rugumire Augustin Kuya 3-04-2018

Sport Ari nayo.