Meya wa Bugezera n’abamwungirije bose beguriye rimwe ku mirimo yabo

Nsanzumuhire Emmanuel wari umuyobozi w’Akarere ka Bugesera, n’abamwungirije bose beguye ku mirimo yabo kuri uyu wa 27 Gicurasi 2018.

Meya Nsanzumuhire n’Umuyobozi w’Akarere wungirije ushizwe imibereho myiza y’abaturage, Uwiragiye Priscille n’Umuyobozi wako wungirije ushinzwe ubukungu, Ruzindaza Eric, bashyikiriza ubwegure bwabo Inama njyanama y’aka karere.

Kuri iki Cyumweru tariki ya 27 Gicurasi 2018, nibwo aba bayobozi bashyikirije Inama Njyanama amabaruwa y’ubwegure bwabo nayo irayasuzuma ihita yemeza ubu bwegure bwabo.

Perezida wa Njyanama muri aka karere, Ndahiro Donald yavuze ko bakiriye ubwegure bw’aba bayobozi ndetse bakaba bamaze kubwemeza bagahita batora uba asimbuye by’abateganyo meya.

Abajyanama batoye MUTABAZI Richard wari umujyanama kugira ngo abe ayoboye akarere by’agateganyo, mu gihe bagitegereje ko habaho amatora yo kubasimbuza.

Ndahiro avuga ko byabatunguye kuko ngo nta kintu cy’umwihariko kidasanzwe njyanama yaba yabakurikiranagaho ndetse ngo bakoranaga bisanzwe.

PNG - 663.7 kb
Nsanzumuhire Emmanuel wari Meya w’Akarere ka Bugesera

@Umubavu.com





Tanga igitekerezo kuri iyi nkuru



Igitekerezo
Kugahembe Kuya 30-05-2018

Niyigendere Nsanzumuhire, burya kwegura nabwo nubutwari; ariko badufashe numwe watwise ibikeri, amakanya, nibindi nawe agende rwose! Nawe se yariye amafaranga ya Hotel, arya ikimoteri, arya Livempu, arya aya abarimu binjira mu kazi, yirukana abakozi yimika icyewabo na ruswa yigitsina namafaranga, yewe! Mudutabare agende Nambaje pe! Noneho ngo iyo ataza nta kiba cyarakozwe wagira ngo amafaranga yayavanye iwabo da!