Iyo u Rwanda rutabaho ntabwo u Burundi bwari kugira ibibazo? Perezida Kagame

Nyuma yuko ubuyobozi bw’u Burundi butangaje ko ikibazo rukumbi bufite ari igihugu cy’u Rwanda, Perezida wa Repubulika y’u Rwanda, Paul Kagame akanaba n’Umuyobozi w’Umuryango wa Afurika y’Iburasirazuba, EAC yakomoje kuri iyi mvugo yibaza niba iyo u Rwanda rutabaho, u Burundi butari kugira ikibazo na kimwe.

Mu kiganiro kirambuye yagiranye na The EastAfrican, Perezida Kagame yavuze ko umubano mubi uri hagati ya Uganda n’u Rwanda uterwa nuko Uganda yahisemo kugendera ku makuru ihabwa n’abatavugarumwe n’u Rwanda bari muri Afurika y’Epfo bakeneye ubufasha kuri Uganda.

Ku mubano w’u Rwanda n’u Burundi ho, Perezida Kagame yavuze ko ikibazo gihari gisobanutse kandi cyoroshye.

Yagize ati “Ku Burundi biroroshye kandi birasobanutse. U Burundi bwatangaje ko u Rwanda aricyo kibazo cyonyine rufite. Abantu banzura uko bashaka. Reka dutekereze ko u Rwanda rutigeze rubaho, u Burundi ntabwo bwari kugira ibibazo?”

Hari abantu bahawe inshingano ku Burundi. Mkapa, umufasha myumvire na Perezida Museveni, umuhuza n’abandi bo muri Afurika y’Iburasirazuba batigeze bagera ku musaruro, baba baravuze bati "twasanze u Burundi nta bibazo bufite, ibibazo biva hanze”.

Umunyamakuru yakomoje ku ibaruwa Perezida Nkurunziza aherutse kwandikira Perezida Museveni arondora ibibazo u Rwanda rufitanye n’u Burundi, Perezida Kagame amusubiza ko ari gushyira ukuri ahagaragara atari kurengera u Rwanda.

Yagize ati “Yego, uwo ni Nkurunziza, ariko ndi kugerageza gushyira ahagaragara ibimenyetso apana kurengera u Rwanda. Ntabwo ngaruka ku byo Nkurunziza yavuze, ariko abahawe gukemura ibibazo by’u Burundi ntibigeze bavuga ko ikibazo gikomeye ari u Rwanda. Niba hari ni ikibazo kiva mu Rwanda sicyo gikuru kandi ibyo bibazo bigomba gukemurwa bitandukanyijwe”.

Perezida Kagame yabajijwe niba azasimbura Perezida Museveni ku nshingano z’umuhuza mu bibazo by’Abarundi.

Ati “Perezida Museveni azakomeza abikore. Iki kibazo kizaguma mu biganza bimwe. Ikibazo cy’u Burundi ni urwitwazo, ntabwo nshyaka gukina urwo rwitwazo, reka abari kubikemura bakomeza babikemura kuko EAC iruta ibibazo by’I Burundi”.

Umubano w’ u Rwanda n’ u Burundi urimo agatotsi kuva muri 2015, kuva icyo gihe u Rwanda ruvuga ko u Burundi bugomba gukemura ibibazo byabwo. -’Iby’Abarundi mubirekere Abarundi’ niko Perezida Kagame yabwiye abanyamakuru muri Mata 2016.

PNG - 507.2 kb
Mu gihe u Burundi buvuga ko ikibazo rukumbi bufite ari u Rwanda, Perezida Kagame we yibaza niba iyo u Rwanda rutabaho u Burundi butari kugira ibibazo

@Umubavu.com





Tanga igitekerezo kuri iyi nkuru



Igitekerezo
Rutikanga Janvier Kuya 9-07-2019

u Rwanda nuburundi ibyo bihugu byombi bifite abayobozi badasa batavukana badahuje imyumvire yewe batanize no kwishuli rimwe rero abarundi mutureke mwite kubibazo byanyu kuko president Wacu suwanyu ikindi munace bugufi kuko twarabasize twe duhanganye no kwiyubaka gusa ntakindi ibyanyu nibyanyu leave it

Rutikanga Janvier Kuya 9-07-2019

u Rwanda nuburundi ibyo bihugu byombi bifite abayobozi badasa batavukana badahuje imyumvire yewe batanize no kwishuli rimwe rero abarundi mutureke mwite kubibazo byanyu kuko president Wacu suwanyu ikindi munace bugufi kuko twarabasize twe duhanganye no kwiyubaka gusa ntakindi ibyanyu nibyanyu leave it

ingabire patience Kuya 20-02-2019

uRwanda se rubatwaye iki ko arimyumvire mibi basenyere umugozi umwe bige kubana nabaturanyi babo mumaho barebe ko arikibazo kivuga bavane akajagari mumitwe yabo