Itariki Odinga azarahiriraho mu birori by’amateka mu gihugu yamenyekanye

Nkuko umuvugizi wa Raila Odinga, Dennis Onyango abitangaza, ibirori byo kurahiza uyu mugabo utavuga rumwe n’ubutegetsi buriho muri Kenya ngo bizaba ari byo birori bikomeye mu mateka y’igihugu. Biteganyijwe ko Odinga na Kalonzo Musyoka uzaba amwungirije bazarahirira kuyobora Kenya ku itariki ya 30 Mutarama 2018 nkuko TUKO dukesha iyi nkuru babivuga.

Umuyobozi w’Impuzamashyaka atavuga rumwe na Leta muri Kenya (National Super Alliance, NASA), Raila Odinga, na Kalonzo Musyoka uzaba ari visi Perezida we biratangazwa ko biteguye kurahirira kuyobora abaturage ba Kenya nyamara birengagije ko Perezida Uhuru Kenyatta yarahiriye kuyobora igihugu mu buryo bwemewe n’amategeko ku wa Kabiri tariki ya 28 Ugushyingo 2017 kuri manda ye ya kabiri ari nayo ya nyuma ayobora igihugu nkuko Itegeko Nshinga ribiteganya.

Binyuze ku muvugizi wa Odinga, Dennis Onyango, aratangaza ko ibi birori bizaba ari amateka mu gihugu cya Kenya. Iri rahira rya Odinga rishyigikiwe na bamwe mu badepite ndetse n’abayoboke be batari bakeya batahwemye kumusaba kurahira vuba bavuga ko nta Perezida bafite babitewe no kutemera ko Uhuru Kenyatta ari we wegukanye intsinzi mu matora yasubiwemo ku itariki ya 26 Ukwakira 2017 nyuma y’aho Urukiko rukuru rutesheje agaciro ibyari byavuye mu matora ya mbere ruvuga ko yabayemo uburiganya.

Uyu muvugizi wa Odinga, Dennis Onyango mu magambo ye yagize ati “nta kibazo dufite cyane ko tuzi neza ko ari inkuru nziza ku barwanashyaka bacu kumva ko Odinga agiye kurahira. Ibi birori biri gutegurwa ku buryo bukomeye ku buryo bizaba ari ibirori by’amateka mu gihugu cya Kenya kuva kibonye ubwigenge ku itariki ya 12 Ukuboza 1964.

PNG - 721.9 kb
Odinga witegura kurahirira kuyobora Kenya


Ikinyamakuru TUKO gikomeza kivuga ko cyamenye amakuru avuga ko ibi birori by’irahira rya Raila Odinga bizabera mu mugi wa Nairobi kuri Sitade ya Uhuru Park.

PNG - 284.8 kb
Uyu ni Dennis Onyango, umuvugizi wa Raila Odinga


Ibi byose biri kuvugwa mu gihe Uhuru Kenyatta yarahiriye kuyobora igihugu cya Kenya ku itariki ya 28 Ugushyingo 2017. Nyuma y’iri rahira, ishyaka rya NASA ryahise rihaguruka rivuga ko ritemera Uhuru Kenyatta ibyanatumye Raila Odinga atangira kuvuga ko nawe azarahira nka Perezida nyamara yirengagije ko mu gihe yaba arenze ku mategeko akarahira hari ibihano bimutegereje birimo no gufungwa.

Raila Odinga kandi yakomweje kubuzwa kurahira n’amahanga kuko bishobora guteza intugunda mu gihugu ariko ibi byose arabyirenza akomeza kuvunira ibiti mu matwi.

PNG - 962.8 kb
Uhuru Kenyatta yarahiriye kuyobora Kenya tariki ya 28 Ugushyingo 2017


Raila Odinga yaherukaga gupanga kurahira tariki ya 12 Ukuboza 2017, umugambi utaramuhiriye kuko wahuriranye n’ingendo zitandukanye yagiriraga hanze y’igihugu bigatuma bisubikwa.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
polepole Kuya 7-01-2018

Andika Igitekerezo Hanno

itariki odinga azarahiriraho yamenyekanye warangiza mu nkuru ukisubiramo bikarangira ya tariki ntayo uvuze,mbega ubuswa bw’umunyamakuru!!!!!!!

uwingabiye Crescance Kuya 5-01-2018

Andika Igitekerezo Hanno Hari inkuru mwandika rimwe narimwe ugasanga zituzuye nkubu muvuzeko itariki yamenyekanye nonese muriyi nkuru mugaragaje itariki odinga azarahiriraho? Please

bwiza Kuya 5-01-2018

ni kuri zinga
he?