Impamvu umuherwe mu Rwanda Dennis Karera ari mu mazi abira

Amakuru dukesha ikinyamakuru greatlakesvoice umunsi w’ejo Kuwa mbere tariki 7 Kanama 2018 cyatangaje inkuru kivuga ko umucuruzi w’ umuherwe mu Rwanda wabayeho umuyobozi w’ungirije wa polisi witwa IGP Denis Karera ari mu mazi abira nyuma yo gufatwa 25, 2018 nkuko icyo kinyamakuru kivuga ko yaba yarafashwe azira imyifatire idahwitse.

Iki kinyamakuru dukesha iyi nkuru kivuga ko umuyobozi wa Kigali Heights Denis Karera yafashwe nyuma y’iperereza ko yashakaga gutambamira Huawei technologies.

Icyo kinyamakuru kivuga ko ifatwa rye ryaje kubera uruzinduko rwa Perezida w’igihugu cy’Ubushinwa Xi Jinping uherutse gusura u Rwanda aho yabajije Perezida w’uRwanda impamvu ubucuruzi bukomoka mu gihugu cy’Ubushiunwa butambamirwa.
Amwe mu masezerano ibihugu byombi harimo guteza imbere ubucuruzi hagati y’ibihugu byombi.

Ikinyamakuru gikomeza kivuga ko nyuma ya Xi Jinping amaze kubibwira Perezida Kagame yahise amubwira ko agiye kubikurikirana vuba ategeka gufata uwaba yarivanze mu migambi yo gutambamira imikorere ya Huawei technologies aribwo Denis Karera yafatwaga agafungirwa ahantu hatazwi n’ubwo icyo kinyamakuru kivuga ko ashobora kuba afungiye i Kinyinya mu nzu zitwa safe house.

Huawei technologies biravugwa ko yagombaga gukora ibijyanye na ICT ndetse ikaba yari ifite ibiro mu nyubako ya Kigali Heights aho bivugwa ko hari abakora ibyenda gusa n’ibyo Huawei ikora bagiye kureba Denis Karere kugirango abafashe kuyibangamira mu mikorere isubire iyo yavuye.

Uko gutambamira imikorere ya Huawei byatumye inanirwa gukomeza gukora ihitamo gusubira ku biro bikuru mu Bushinwa.

Hari aho icyo kinyamakuru cyavuze ko abagihaye amakuru ariko kikabagira ibanga bavuga ko Karere ashobora kuba azira uburiganya mu bijyanye n’amafaranga y’ikigo cya fusion capita ari nayo ibarizwamo Kigali Heights.





Tanga igitekerezo kuri iyi nkuru



Igitekerezo