Gicumbi: Isesengura ku iyegura rya hato na hato ku bayobozi ,impanvu,amakosa,ivuguruzanya,n’ibindi

Camile Athanase wari umunyamakuru w’ikigo cy’igihugu cy’itangazamakuru
RBA niwe waje gushyirwaho na jyanama y’Akarere ka Gicumbi ngo abe
Mayor wako.Ibi bibaye nyuma yaho Umuyobozi w’agateganyo wari washyizweho
na njyanama kuyobora akarere ka Gicumbi Jean Claude Karangwa Sewase
nawe yegujwe azira ibyaha yaburanaga mu nkiko.

Dore ibibazo buri wese yibaza. Ese uyu Mayor (meya) wegujwe mu minsi itarenze
6 ayoboye Gicumbi,yashyizweho ate? Ese Gouvernor (guverineri) Gatabazi JMV yaba yarabihaye umugisha ? Niba yarabihaye umugisha se nibwo akibona ko
mu minsi 6 afite ibindi bibazo? kuki se we yemeye kuba
Mayor (meya) kandi abizi ko afite umuziro,we muri we ateganya kuzegura
mu maguru mashya? .Ibi bibazo biraza kukwereka ko uyu weguye mu minsi 6
yashyizweho bitunguranye ,hatabaye amatora anyuze mu mucyo.

Muri iki gitondo nibwo Amakuru Gouvernor ( guverineri) Gatabazi JMV yatangaje ko
ibaruwa y’ubwegure bw’uyu mushya yamugezeho. Aha wakwibaza niba inama
njyanama yarabaye nyuma yo gutangaza ko yeguye ,mu gihe uwegura
yagombaga gushyikiriza njyanama ibaruwa byaba bimeze bite? Ikibazo
gikomeye: niba Gouvernor (guverineri) Gatabazi yaramaze kubwira itangazamakuru
kumugaragaro ko hagiye kuba inama njyanama iza gushyiraho umuyobozi,
kuko Akarere katabaho nta muyobozi,kuki inama yabaye mu muhezo
bakirukana itangazamakuru,niba byari ugutora Mayor (meya) w’agateganyo. Aya
ni amakosa gutorera mu muhezo nk’aho uwo bagombaga gutora byagombaga
kuguma mu ibanga ryabo ubwabo. Ibi bikagaragara nk’amakosa atari
akenewe kuri uno munsi.

Nyuma y’uko inama ibereye mu muhezo,twumvaga itangazamakuru ariryo
batemereye, gusa nyuma tuza kumenya ko hari n’abandi bayobozi muri aka
karere baje guhezwa .Muri abo harimo nka Communication office([
ushinzwe amakuru,ndetse no gushyira gahunda zakozwe kuri Murandasi)
w’Akarere ka Gicumbi bwana MUTUMWA Vincent nawe utari wemerewe
gukandagira muri iyo nama gusa aza guhabwa urupapuro rwariho ingingo 2
baza kuganiraho. Muri izo ngingo 2 ntayo gutora usimbura uwari weguye
yari irimo,ari nacyo barishije mukwirukana itangazamakuru muri iyo nama.

Wakwibaza uti: " ese icyo gushyiraho uba ayoboye aka karere cyo cyashyizwemo
gite mu gihe kubyari kuri gahunda cyo kitarimo? Aha twabyita nko
kwitana ba mwana kuko Gouvernor (guverineri) Gatabazi yari yabitangaje kare ko
muri iyo nama baza no gushyiraho uba ayoboye aka karere.

Camile asimbuye Sewase Jean Claude Karangwa wayoboye aka karere iminsi
6 gusa nawe agahita yeguzwa, Karangwa yari yagiyeho asimbuye Meya
Juvenal n’abamwungirije nabo bari begujwe tariki ya 25 Gicurasi.

Yanditswe na RUTEMBESA Anicet





Tanga igitekerezo kuri iyi nkuru



Igitekerezo
phanny uwase Kuya 11-06-2018

Anicet Rutembesa turakwemera .ubucukumbuzi bwawe kbs twabwemeye.kd twishyimiye uko wabivuze ku ijwi ry amerika .uko wabivuzeho nibyo wanditse muriyi nkuru kd nukuri.komerezaho

phanny uwase Kuya 11-06-2018

Anicet Rutembesa turakwemera .ubucukumbuzi bwawe kbs twabwemeye.kd twishyimiye uko wabivuze ku ijwi ry amerika .uko wabivuzeho nibyo wanditse muriyi nkuru kd nukuri.komerezaho

Kinyababa Kuya 7-06-2018

Yambaye inka Data? Guverineri Gatabazi se nawe n’uko? Murebe niba atarariyemo àkantu! Ariko Tur du Rwanda izabera I Ngoma ryari uwatwise I bikeri nawe agenda?