Wari uzi ko nubwo Brian Deacon yakinnye filime ya Yesu atamwemera nk’umukiza we!

Brian Deacon wakinnye filime ya Yesu, yavukiye mu gihugu cy’u Bwongereza mu Mujyi wa Oxford ku itariki ya 13 Gashyantare 1949. Yatangaje abantu benshi kubera kutemera Yesu Kristu nk’umwami kandi yarakinnye iyi filimi yafashije abantu benshi kuva mu mwijima byatumye ashyirwa mu bantu bakunze kwitwa abatemera.

Uyu mugabo w’Umwongereza yamenyekanye cyane mu mafilimi, akomoka mu Mujyi wa Oxford, yatorejwe gukina amafilimi mu ishuri rizwi nka “Oxford Youth Theatre” ritoza ibijyanye no gukina filimi.

Brian Deacon yatangiye gukina amafilimi mu mwaka wa 1971, kugeza n’ubu. Mu mwaka wa 1979, nibwo yagaragaye akina muri filimi yakozwe n’abavugabutumwa b’Abongereza nyuma yo gutoranywa mu bakinnyi basaga 263 bari batumweho ngo hatoranywemo urusha abandi kwiganya ibyanditse muri Bibiliya Yera mu gitabo cya Luka bivuga kuri Yesu w’I Nazareti. Uyu mugabo yakinnye muri iyi filimi ari umukinankuru witwa Yesu. Ubusanzwe izina rye “Deacon” rikaba risobanura umugaragu (mu rurimi rw’Ikigereki).

Mu buzima bwe busanzwe Brian Deacon, yashakanye n’abagore babiri, uwa mbere ni uwitwa Rula Lenska bamaranye imyaka icumi kuva mu mwaka wa 1977 kugeza muri 1987), babyaranye umwana umwe w’umukobwa witwa Lara Parker Deacon. Umugore wa kabiri ni uwitwa Nathalie Bloch-Lainé babanye kuva mu mwaka wa 1998 kugeza magingo aya.

Mu myaka irenga 23 ishize, nibura abantu barenga Miliyari 6 barimo n’abo mu nzu zerekana filime zitandukanye, ibihugu birenga 233 babashije kureba filimi ya Yesu, muri bo abarenga Miliyoni zirenga 117 bafashe umwanzuro wo kumukurikira nyuma yo kureba iyi filimi.

Iyi filimi yarakunzwe kandi n’ubu ntawashidikanya ko igikunzwe kuko iri mu ndimi zirenga 1500 ndetse izindi zigera kuri 237 zikaba ziri guteganya guhindurwamo iyi filimi. Ikindi nuko iyi filimi ariyo yarebwe n’abantu benshi ku isi.

Brian Deacon nawe azi ko abantu bamwe ku isi bamufata nka Yesu, ndetse ngo bikamutera ubwoba kuko ngo we azi ko ntacyabaye cyane ko yakoraga akazi ke ko gukina filimi. Abantu benshi bo ku isi bagenda boherereza uyu mugabo ubutumwa bamushimira kubw’iyi filimi ariko ngo we ntabyiyumvishe kuko abenshi babumuha bamufata nk’umucunguzi.

PNG - 719.5 kb
Brian Deacon abantu benshi bakunze gutekereza ko ari we Yesu nyirizina


Iyi filimi buri munsi irushaho kugenda ikundwa kabone nubwo yakinwe kera ndetse abantu benshi bayirebye bemeza ko yahinduye ubuzima bwabo.

Nyamara ariko igitangaza abantu benshi barimo n’abarebye iyi filimi nuko uyu Brian Deacon wafashije imbaga y’abantu benshi guhinduka, we ntabwo yemera Yesu Kristu nk’umukiza, abo bita abatemera nkuko urubuga rwa GodTube rubitangaza.

PNG - 783.2 kb
nubwo yakinnye filimi ya Yesu, Brian Deacon ntiyemera Yesu nk’umukiza

Kugeza ubu nta makuru avuga niba uyu mugabo yaba yaragezeho akemera Yesu. Benshi mu bantu baramutse bahuye n’uyu mugabo, bashobora gukeka ko babonekewe nubwo isura ye imaze gusakara hose kubera gukina iyi filimi. Bamwe mu bemera Yesu Kristu kandi, usanga bakoresha amafoto ye mu mazu yabo cyangwa no mu nsengero zitandukanye mu kugaragaza ukwemera kwabo.

Aganirra n’itangazamakuru, Brian Deacon wakinnye iyi filimi afite imyaka 30 y’amavuko yagize ati “Ntabwo nizeraga ko nakwemera Yesu nkuko namwumvise ubwo nakinaga iyi filime”.

Abantu benshi bakunze kubwira Brian Deacon kutazakina izindi filimi bitewe n’umwanya yakinnye muri filimi ya Yesu.

Uretse filimi ya Yesu Brian Deacon yakinnye guhera mu mwaka wa 1979, yanagaragaye mu yandi mafilimi nka The Triple Echo na Vampyres gusa yo atarakunzwe ku kigero nk’icy’iya Yesu.

Bamwe mu bafatanyije na Brian Deacon kandi gukina muri Filimi ya Yesu bitwa nka ba Yohana, Yuda n’abandi, ngo bamwe baracyariho ngo ndetse harimo n’abagikina mu mafilimi atandukanye nk’umwuga wabo.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
damour Kuya 24-02-2018

In mind of a whole world written that image as jesus

damour Kuya 24-02-2018

In mind of a whole world written that image as jesus

komeza simon Kuya 22-02-2018

Umurimo yakoze wagejeje benshi kugakiza gafatika,niba atarizere Yesu nk’Umukiza ntacyo bitwaye kuko Yesu nubundi yatoranije intumwa azikuye mubanyamahanga,rero igihe nikigera Yesu azamukurura amwiyegereze azagire umumaro mugihe gikwiye.

claude Kuya 21-02-2018

Mana tabara ubwoko bwawe kuko iyi Minsk ntiyoroshye pe!

MUSABYIMANA Jean bosco Kuya 21-02-2018

Turabiziko Christo ubwe niwe nzira yukuri nubugingo ntawe ujya kwa data ayamujyanye, nibyo kwishimirwa rero kuba nuyu mugabo yaremeye kuba ikiraro cyambutsa abagenzi, gusa nishimiye ko ubutumwa bwe bwamamaye, kdi nzineza ko ibyo akina byose ntacyo yihimbiye, ikibabaje Niko nyine yizewe nkumukiza, arko mbona ikibi cyaba aruko abamwizeye bashobora kuba bamwizeramo undiwundi utari yesu Christi,arko niba bamwizera nka christo kuwo gukina ubutumwa bwa christo mwibukuko christo nawe yivugiye ko nawe arumwe nuwamutumye,uyu nawe numwe nuwamuhaye impano yakoresheje mukutwereka uko christo yishwe urea gas hints girl kubo ibyaha byacu,ikingenzi Niko nawe atiyita ko ariwe christo naho kumufata nka yesu christo byo nimyumvire yamuntu,kuko nanjye iyo nabonaga ifoto ye haruwayitaye numvagancitse inkendero kubwo ubutumwa nakiriye mumutima wanjye nubu kdi ifoto ye nyiha agaciro kuko yemeye kuba intumwa ye kdi atamwemera, abamubuza gukina izindi no about nabashaka ko yigira ikigirwamana nawe nibyiza kuba ayabibemerera.