Urukiko rwa Nyarugunga rwanzuye ko Pasiteri Stephen atandukana burundu n’uwari umugore we

Kuri uyu wa gatatu tariki ya 14 Werurwe 2018, urukiko rw’ibanze rwa Nyarugunga rwemeje ko Pasiteri Hakizimana Stephen wahamwe no guhoza umugore we ku nkeke atandukana burundu n’uwari umugore we Kwizera Marie Claire bari barabyaranye abana babiri.

Nyuma y’igihe kingana n’imyaka 2 Hakizimana Stephen na Kwizera Marie Claire batangiye kugirana ibibazo ahanini bishingiye ku gushinjanya gucana no guhozanya ku nkeke, nyuma nibwo Kwizera Marie Claire yafashe icyemezo kurega umugabo we mu rukiko rwa Nyarugunga mu murenge wa Kanombe ari naho bari barasezeraniye asaba ko batandukana burundu.

PNG - 1.2 Mb
Kwizera Marie Claire niwe watangije urugamba rwo gushaka gutandukana burundu n’umugabo we


Nyuma urukiko rwaje kuburanisha aba bombi ariko akenshi mu rukiko hakagaragara Kwizera Marie Claire wenyine kuko umugabo we atari mu Rwanda, ibi byatumye imyanzuro y’urukiko yagombaga gusomwa tariki ya 12 Werurwe 2018 isubikwa gusomwa ishyirwa tariki ya 14 Werurwe 2018 ubwo ababurana bombi bazaba bahari.

Kuri uyu wa gatatu tariki ya 14 Werurwe 2018, nibwo imyanzuro y’urukiko yasomwe ku mugaragaro n’urukiko rwa Nyarugunga, yanzura ko Hakizimana Etienne (Stephen) wahamwe no guhoza ku nkeke umugore we Kwizera Marie Claire batandukanye burundu mu buryo bwemewe n’amategeko buri wese akabaho mu buzima bwe ariko abana babiri (2) babyaranye mu myaka 9 bari bamaranye bakajyanwa n’umugore akazajya abarera abifashijwemo n’uwari umugabo we.

Nyuma y’imyanzuro y’urukiko, Hakizimana Stephen waherukaga gutangaza ko atazababazwa no gutandukana n’uwari umugore we mu gihe byaba byanzuwe bityo, yagaragaje ko atishimiye gutandukana n’uwari umukunzi we mu magambo menshi akubiyemo ubutumwa yageneye uwari umugore we babanye bakabyarana abana 2 aribo Hakizimana Grace na Hakizimana Prince.

PNG - 868.1 kb
Mu myaka 9 bamaranye, Hakizimana Etienne (Stephen) na Kwizera Marie Claire babyaranye abana babiri


Mu magambo asa nk’aho ababaje akubiyemo ubutumwa burebure yageneye uwari umugore we, Hakizimana Stephen yagize ati “sinavugango Imana ishimwe kuko ari ikizira imbere yayo (Divorce) ariko na none ni byiza kubaho mu mahoro kandi ukabana n’umuntu muhuje muri byose mwizerana mwembi! Uwari umugore wange (My Ex-Wife) Kwizera Marie Claire, nkwifurije ibihe byiza ndabizi wabitangiye kuva wansiga tariki ya 13/1/ 2016 none ku wa 14 Werurwe 2018 duhawe uburenganzira n’amategeko bwo gutandukana burundu ariko ndibaza nti “mbese imbere y’Imana bimeze bite?” Nsubije iki kibazo naba nciye urubanza kandi ntari umucamanza Imana niyo ibizi, gusa mu myaka 9 twari tumaranye nakwigiyeho byinshi niga n’umuntu icyo aricyo! Nkwifurije ubuzima bwiza mu minsi usigaranye ku isi kandi abana bacu Hakizimana Grace na Hakizimana Prince Imana izagufashe ubarere neza”.

Hakizimana na Kwizera basezeraniye mu Rwanda mu idini rya ADEPR muri 2012 ku mudugudu wa Galilaya ubarizwa muri Paruwasi ya Gatsata ariko bamaze gusezerana bajya kuba mu gihugu cya Uganda, nyuma ngo baje kugirana utubazo umugore yahukanira mu Rwanda ari nabwo baje kuhagaruka ubu bakaba bari bahamaze imyaka ibiri.

PNG - 973.1 kb
Prophet Claire Marie Kwizera, wari umugore wa Pasiteri Hakizimana


Prophet Claire Marie Kwizera azwi cyane nk’umuhanuzi muri ADEPR, akomoka i Gafunzo mu cyahoze ari Cyangugu mu ntara y’Iburengerazuba. Tariki 13 Nzeli 2014 ni bwo Hakizimana Stephen yimitswe nk’ Umushumba w’umumisiyoneri, iyo mihango ikorerwa i Kampala muri Uganda aho bita Nansana town council. Umuryango w’Ivugabutumwa witwa ‘ANCHOR BAY EVANGELIST ASSOCIATION ‘ni wo wagize uruhare mu iyimikwa rye.

PNG - 1.1 Mb
Hakizimana Stephen yimikwa nk’ Umushumba w’Umumisiyoneri,



Gusa nubwo azwi mu Rwanda nka Hakizimana Stephen, ubwo yimikirwaga muri Uganda si ko yitwaga ahubwo yitwaga Hakizimana Etienne.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
Shyaka Kuya 20-05-2018

Muraho mwese, njye nzi neza ko kumenya umuntu bitoroshye mwirinde kugira uwo mucira urubanza kuko njye uyu muryango narawusuye I Kampala! Bimwe mu ibibazo byabo barabimwiye!!!! Gusa ndababaye

NGANIZI SETH Kuya 19-03-2018

Andika Igitekerezo Hanno KUKI MUTUKISHA IZINA RYIMANA PASITE WANANIWE KWIHANGANIRA UMUGORE ESE MUHAZI KAZI NAWE WANANIWE KWIHANGANA MUZABONA IMBARAGA ZIMANA GUTE NTANUMWE WA SHOBOYE KWI HANGANIRUNDI NTI MUGAKINISHE IMANA

Pasteur Kuya 19-03-2018

Paulo yandikiye Thimoty NGO mumenye ko mu Minsi y’imperuka hazabaho ibihe birushya

hamed Kuya 19-03-2018

Muja uko utekereza siko bimeze ahubwo Imana igusange.

Kimana Gilbert Kuya 17-03-2018

Mbina ntakidasazwe gutandukana sikibazo erega sibye gukabya kwamategeko yabanyafurika ubundi kuki muburayi na amerika bagira kotara suko bababirinda ingorane zizaboneka mungo ese ubundi Imana ihambiranya abantu ntinabashe kubarinda ayomakimbirane nimanaki? Ariko abantu twahumutse koko tukareka ayamadini atwangiriza imibanire ngewe ndamushyikiye aho kugirango umwe azagire undi nabi ikiza nugutandukana

Kimana Gilbert Kuya 17-03-2018

Mbina ntakidasazwe gutandukana sikibazo erega sibye gukabya kwamategeko yabanyafurika ubundi kuki muburayi na amerika bagira kotara suko bababirinda ingorane zizaboneka mungo ese ubundi Imana ihambiranya abantu ntinabashe kubarinda ayomakimbirane nimanaki? Ariko abantu twahumutse koko tukareka ayamadini atwangiriza imibanire ngewe ndamushyikiye aho kugirango umwe azagire undi nabi ikiza nugutandukana

muja Kuya 16-03-2018

Iyi numero se urayimuha ngo ayimaze iki? Cg urashaka gusimbura uwo batanye?

marc Kuya 16-03-2018

mana weeee ese koko paster ubukoko sinzi niba wabasha kuba ukiyoboye intama zimana kandi nuyumugore wawe sinibaza niba akiri umuhanuzikazi ijambo ryimana rivuganeza ngo nicyogituma uzasiga sonanyoko ukabana numugabo wawe akaramata mukaba umubiri umwe
nukuri koko satani nigikara cyokora ndababaye pe nukuri kuberiki TWAKINA NU BUGINGO?? MWIRENGAGIJE KO MUKRIST AGEZE KWIREMBO BAMUBAJIJE UMURYANGO WE

joseph Kuya 15-03-2018

Mademe uruhutse umuzigo Imana humura izagushumbusha ukwitaho aguteteshe utengamare mu mutuzo

joseph Kuya 15-03-2018

Mademe uruhutse umuzigo Imana humura izagushumbusha ukwitaho aguteteshe utengamare mu mutuzo

John Kuya 15-03-2018

Muvandimwe pastor ihangane burya uko wabigenza kwose umugore utari uwo Imana yakugeneye ntimushobora kubana buriya uwawe arahari cg ntawe bitewe n’igeno!
Naho uwavuga ibindi we ni bya bindi by’uwahiriwe n’urugendo akibwira ko arusha abandi ubwenge cg gusenga!
Kandi rero inkoni ikubise mukeba uyirenza urugo!

dismas Kuya 15-03-2018

Yewe cyakora uyu mugore araruhutse bibaye ngombwa yajya gushima Imana agatanga nituro ry’ishimwe nukuri;kuko uyu mugabo ndamuzi ni mubi cyane

hamed s Kuya 15-03-2018

Ihangane pasteur ndakwibuka kimironko,humura kdi komera Imana irabizi kdi no gusenga byose birashoboka ,Yemera ko byose bibaho, numero yange ni 0788241292

hamed s Kuya 15-03-2018

Ihangane pasteur ndakwibuka kimironko,humura kdi komera Imana irabizi kdi no gusenga byose birashoboka ,Yemera ko byose bibaho, numero yange ni 0788241292