Tanzania: Pasiteri asaba Abakristu be kumupfukamira kugira ngo abahe ubufasha

Umupasiteri ufatwa nk’umuherwe w’umunyatanzaniya witwa Shillah yaciye ururondogoro abantu batandukanye ku mbuga nkoranyambaga nyuma yuko ashyize hanze videwo asaba Abakristu be kumupfukamira kugira ngo abahe ubufasha burimo n’ibyo kurya.

Nkuko ibinyamakuru bitandukanye byo mu karere birimo na TUKO byanditse iyi nkuru bibivuga, Pasiteri Shillah yagaragaye asaba Abakristu be kujya bamupfukamira kugira ngo ashobore kubaha ubufasha butandukanye burimo amafaranga n’ibyo kurya.

PNG - 701.7 kb
Uyu ni Pasiteri Shillah usaba Abakristu be kumupfukamira kugira ngo abafashe


Uyu mupasiteri ngo ni umwe mu bapasiteri bakiri batoya batunze agatubutse mu gihugu cya Tanzaniya ari nacyo gituma asaba Abakristu be kumupfukamira ngo abagabanyirize ku butunzi bwe.

PNG - 979.6 kb
Pasiteri Shillah asanzwe ari umwe mu bapasiteri batunze agatubutse mu gihugu cya Tanzaniya


Biitandukanye n’iby’abandi bapasiteri b’iki gihe usanga basaba Abayoboke babo aho usanga hari abakoresha amayeri yose ngo babacucure utwo batunze, Pasiteri Shillah we ahubwo ni umutunzi wihagije wishakira gusa ko Abakristu be bamupfukamira bakamuha icyubahiro aho gupfukamira Imana akabona kubaha ubufasha.

PNG - 748.8 kb
Aha Abakristu bari biteguye gupfukamira Pasiteri Shillah kugira ngo bibonere amaramuko


Pasiteri Shillah ngo kuri we nta kindi kintu asaba Abakristu be uretse gusa kumuyoboka no kumupfukamira kandi ngo ntanemera ko hari ikindi cyakiza umuntu atari we ubwe ubikoze.

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo