Mu Rwanda hateguwe igiterane cyiswe “N’igihe cyo gutabarwa”

Igiterane cyiswe “N’igihe cyo gutabarwa” cyateguwe n’itorero Miracle Centre Church riherereye I Remera mu mujyi wa Kigali ahazwi nko mu Giporoso rikaba riyobowe n’umukozi w’Imana Bishop Samedi Theobald.

Mu kiganiro umuyobozi mukuru wiri torero mu Rwanda yagiranye n’umubavucom yadutangarije ko impamvu nyamakuru yateguye iki giterane ikubiye mu isomo riboneka mu gitabo cya Yesaya 65:24ahagira hati “Maze bazaba batarantabaza nzabatabara kandi bakivuga nzabumva”

Akomeza asobanura ko iki giterane kizatangira kuri iki cyumweru taliki 22 mutarama 2018 kikazamara icyumweru cyose, aho kuva saa 18h00 kugeza saa 20H00 buri munsi ku rusengero rwa Miracle centre I Remera hazajya haba hari ibihe bidasanzwe mu gusengera abarwayi ndetse nabafite ibyifuzo bitandukanye.

Iki giterane kizaba kirimo abakozi b’Imana batandukanye harimo aba Pasteur bose bo muri iri torero, umushumba mukuru waryo Bishop Samedi Theobald ndetse n’umukozi w’Imana Bishop Steven Mutesasila uzaturuka mu gihugu cya Uganda .

Usibye abakozi b’Imana batandukanye kandi hazaba hari abahanzi batandukanye bazwi hano mu gihugu cyacu ndetse n’amakorari nka TLC ndetse na Winners
Wifuzwa kuyoborwa muri iki giterane wahamagara 0788370595 bakakuyobora ugahabwa umugisha muri iki giterane cyimbaraga cyiswe “N’igihe cyo gutabarwa”





Tanga igitekerezo kuri iyi nkuru



Igitekerezo