Kutayoboka Karuranga;  ngo uba unyuranyije n’amahame y’Imana|| Kangwagye Justus !

Mu muhango wo gusengera abayobozi bashya ba ADEPR mu Rwanda , Umuyobozi Ushinzwe Imitwe ya Politiki n’Imiryango Itari iya Leta mu Rwego rw’igihugu rw’imiyoborere (RGB), Kangwagye Justus yavuze ko hari cyo yongeye kwiga aho ngo yasobanukiwe neza ko abayobozi bose bashyirwaho n’Imana avuga ko kutayoboka Rev. Karuranga Ephraim ari ukunyuranya n’amahame y’Imana.

Kuri uyu wa 04 Kanama 2018 nibwo Abagize Biro Nyobozi y’itorero rya ADEPR mu Rwanda basengewe ndetse banarahirira imbere y’abakirisitu babagiriye icyizere ubwo babatoraga ku wa 17 Werurwe 2018 muri manda y’imyaka itanu. Ni umuhango wabereye muri Stade ya Kaminuza Yigenga ya Kigali, ULK
Abayobozi bari bamaze amezi atandatu bayobora Itorero rya Pentekote mu Rwanda (ADEPR), bimitswe banarahirira kuyobora itorero bakristo basabwa kujyanisha ibyo bigisha n’ibyo bakora, kugira ngo abakirisitu barusheho kubagirira icyizere, banibutswa ko bakwiye kuba yoboka kuko bashyirwaho n’Imana.

Umuyobozi Ushinzwe Imitwe ya Politiki n’Imiryango Itari iya Leta mu Rwego rw’igihugu rw’imiyoborere (RGB), Kangwagye Justus yabwiye aba bayobozi bashya ba ADEPR ko ubuyobozi ari amahirwe yo gukorera abaturage atari umwanya wo kwikuza anasaba abakristo kuyoboka Karuranga Ephraim kuko ngo yongeye kumenya neza ko Imana ariyo ishyiraho ubuyobozi.

Yagize ati, “Nongeye ku menya neza ko ubuyobozi bwose bushyirwaho n’Imana nasabaga umukumbi ko kutayoboka Rev. Karuranga ari ukunyuranya n’amahame y’Imana”

Umuvugizi mukuru wa ADEPR, Rev. Karuranga Ephraim, yavuze ko mu ngamba bafite harimo kugarura icyizere cy’abakirisitu ku buyobozi no guharanira kubaba hafi mu buzima bw’umwuka, bagira uruhare mu rugendo rugana mu ijuru.

Yagize ati “Icya mbere ni inshingano z’ubuyobozi zo kubagarurira icyizere tubabera icyitegererezo kijyanye n’ibyo twigisha n’ibyo tuvuga kugira ngo barusheho kutugarurira icyizere ntitunyuranye n’ibyo twigisha n’ibyo dukora mu buzima bwacu bwa buri munsi. Icyo tubasaba ni uko bagirira icyizere ubuyobozi bwabo kandi ubumwe bw’itorero nizo mbaraga zaryo.”

Yakomeje agira ati “Umukirisitu akwiriye kwibuka ko ubumwe bw’itorero ari ngombwa ndetse no gufashanya hagati yabo kugira ngo itorero rikomeze kugira isura ya Kirisitu, kuko nibakundana nicyo kizagaragaza ko Kirisitu ari hagati muri bo.”

Abayobozi bashya bimitswe bakanarahira ku mugaragaro ni Umuvugizi Mukuru w’Itorero rya ADEPR, Rev. Karuranga Ephraim; Umuvugizi Wungirije Ushinzwe Ubuzima bw’Itorero, Rev. Karangwa John; Umunyamabanga Mukuru, Past. Paul Muzungu Gatemberezi; Ushinzwe Imari n’Ubutegetsi, Umuhoza Aulerie n’Umujyanama mu by’Imari n’Ubuyobozi, Past. Jean Paul Ntaganda.

Itorero rya Pantekote mu Rwanda ADEPR ryatangijwe mu Rwanda n’abamisiyoneri mu 1940, i Gihundwe mu Karere ka Rusizi, kuri ubu rifite insengero 3291 zigizwe na paruwasi 424. Rigizwe kandi n’amatorero y’uturere 30 n’indembo eshanu.

Mu nkingi itorero rigenderaho harimo ivugabutumwa, imibereho myiza no guteza imbere imibanire myiza, ubukungu n’iterambere aho bafite ibigo by’amashuri y’incuke 159, ibigo by’amashuri abanza 147, ibigo by’amashuri yisumbuye 59 n’amashuri y’imyuga n’ubumenyi ngiro 7.
By Nzengimana Theoneste

JPEG - 166 kb
Koeale Goshen yaturutse mu karere ka Musanze
JPEG - 127.8 kb
Abaririmbyi ba Korale Goshene yaturutse i Musanze
JPEG - 151.3 kb
Abakristo bari baturutse imihanda yose y’igihugu
JPEG - 191.6 kb
Hari hari n’abayobozi b’umuryango wa UKIAMUKA uhuriyemo ibihugu byabyajwe ubutumwa n’abanya Suède.
JPEG - 181.1 kb
Ababishop na abashummba batandukanye bari babukereye

JPEG - 134.3 kb
Aba bayobozi ba ADEPR baramburiweho ibiganza

JPEG - 159 kb
Aba bayobozi ba ADEPR baramburiweho ibiganza
JPEG - 114.1 kb
Umuhoza Aulerie n’Umujyanama mu by’Imari n’Ubuyobozi bamuramburiyeho ibiganza





Tanga igitekerezo kuri iyi nkuru



Igitekerezo
Aloys Kuya 22-09-2018

Basengerwa nuhagarariye kiamuka uhagarariye biriya bihugu byatangijwemo ubutumwa naba suede

Polo Kuya 7-08-2018

Umva muvandimwe sindi muri ibyo utekereza,navugaga ko Kristo udahinduka ari we nzira n’ukuri n’ubugingo.

samuel Kuya 5-08-2018

polo we muracyatera umugeri,none ko mwari mwarahize ko mushaka kongera gutora muzatora ryari? Nimuramuka mutoye bikemera nabwo buzaba buvuye Ku Mana ,ubuyobozi bwaba bwiza cg bubi buba buvuye Ku Mana ,ubwa Kapitura ,Nsanzurwimo,Munonoka,Sibomana,Samuel,Sibomana na Thomas nabwo bwavaga Ku Mana,sinzi muri ubwo mvuze ubwabanyuze nubutarabanyuze ariko bwose bwavuye Ku Mana bwaba ubwo twakwishimira cg Tutakishimira.Turamutse tutishimiye ubuhari dusenge Imana iduhe urukundo rwo kubakunda ,kdi nabafite amasezerano bategereze aza sohora ikibazo nuko yaba ari ayatanzwe n’abantu Atari Imana.

Polo Kuya 5-08-2018

Muraho?umuntu usengera abayobozi ni nde?None se Karuranga niwe rufatiro rw’Imana?Reka reka kereka Yesu wenyine niwe rufatiro.

Polo Kuya 5-08-2018

Muraho?umuntu usengera abayobozi ni nde?None se Karuranga niwe rufatiro rw’Imana?Reka reka kereka Yesu wenyine niwe rufatiro.