Abaremerewe n’ibiruhanya babwire ko Imana yabaruhura

Kuri iki Cyumweru mu rusengero rw’Umurage w’Abera Silowamu ruyobowe na Pasiteri UCIYIMIHIGO Xavier ruherereye ku Kinamba ahazwi nko kwa Gakire, mu materaniro Korale Umurage w’Abera yo kuri uru rusengero mu ikorasi yahagurukanye harimo amagambo aryoshye kandi ahumuriza imitima y’Abakristu dore ko yanashimishije abaje mu materaniro mu ntero igira iti “ Imiraba iraza ntigira icyo intwara kuko nubatse ku ibuye rikomeza imfuruka”.

Amateraniro yatangiye ahagana saa yine n’iminota mirongo itatu n’itanu(10h35’) n’indirimbo zitandukanye zo mu gitabo zirimo iya 60 (mu gushimisha Imana) yafashije benshi mu ntero igira iti "Abaremerewe n’ibiruhanya babwire ko Imana yabaruhura".

Amateraniro yakomeje Pasiteri Xavier aha Abakristu batandukanye ubutumwa Imana yamuhaye ngo abubagezeho biciye mu buhanuzi bwafashe igihe kirenga isaha yose aho bigaragara ko Abakristu batuje bategereje kwakira ubutumwa Imana yabageneye ibicishije ku mukozi wayo urimo amavuta. Aya materaniro yaranzwe n’ibihe bidasanzwe kubera igihe kirekire Pasiteri Xavier yamaze ahanurira Abakristu batandukanye nabo bakikiriza bavuga bati " Mana icyo wavuze ugikurikirana imyaka ibihumbi ukagisohoza".

Nyuma yo kwakira ubuhanuzi butandukanye, Abakristu hahimbaje Imana mu buryo budasanzwe bagira bari "Mana imbaraga zawe zirakomeye, zirakomeye,zirakomeye" bigaragara ko akanyamuneza ari kose kubera kuvugana n’Imana ibagezaho ubutumwa yabageneye.

Hakurikiyeho umwanya wo kwakirana Pasiteri Xavier yakira uhagarariye Itorero Umurage w’Abera Silowamu mu Ntara y’Amajyepfo ndetse n’abandi bashyitsi batandukanye baje mu materaniro.

Nkuko bisanzwe Pasiteri Xavier ari nawe wayoboye aya materaniro yaranzwe n’ibihe byiza, yafashe umwanya wo gusiga amavuta Abakristu ndetse bakanatura ituro Mose yategetse nk’ikimenyetso cyo kwizera kwabo.

Ni igikorwa cyishimiwe n’Abakristu ku buryo budasanzwe kuko bari benshi ku murongo batuje buri wese n’ituro rye ryo gushima Imana ategereje gusigwa amavuta. Yesu we ubwo yahumuraga impumyi, yatobye akondo agasiga ku maso ako kanya ihita ihumuka aricyo cyatumye Pasiteri Xavier nawe mu kwizera kwe ndetse n’ubushumba Imana yamuhaye yafashe amavuta asanzwe yaguzwe muri butiki akayasiga Abakristu nk’ikimenyetso cy’uko Imana igiye kubakuraho ibibazo bitandukanye bibugarije.

Muri aya materaniro hagaragayemo umwe mu bakobwa Pasiteri Xavier yigeze kwambika agatimba amusabira kugirirwa neza n’Imana ikamuha umugabo nawe washimaga Imana ko yamuhaye umugabo dore kuri ubu azasezerana mu cyumweru gitaha.

Mu ijambo ry’Imana ryasomwe mu gitabo cy’Abami ba Kabiri igice cya 4.1 (Elisa akiza umupfakazi umwenda yari arimo:

1. Bukeye umugore umwe wo mu bagore b’abahanuzi asanga Elisa aramutakambira ati “Umugaragu wawe ari we mugabo wanjye yarapfuye, kandi uzi ko uwo mugaragu wawe yubahaga Uwiteka. None umwishyuza araje, arashaka kujyana abana banjye bombi ngo abagire imbata ze.”
2. Elisa aramubaza ati “None se nkugire nte? Mbwira niba hari icyo ufite imuhira?” Na we ati “Umuja wawe nta cyo mfite imuhira keretse agaherezo k’utuvuta.”) naryo ryaje ridatandukanye cyane n’ibyo Pasiteri Xavier yakoreye Abakristu byo kubasiga amavuta, kuko uyu mukozi w’Imana wo muri Des Amis, nawe yaje asabira Abakristu gusigwa amavuta kuko uyasizwe wese ibye bigenda neza aho atageze akahagera, ibyo atatunze akabitunga kubera gusigwa amavuta.

Mu gusoza ijambo ry’Imana, umuvugabutumwa yasabye Abakristu gutekereza ku kintu bumva bafite cyabakiza mu gihe iminsi mibi ibagezeho nkuko Elisa yabajije uriya mugore uvuga mu ijambo ry’Imana icyo afite kugira ngo ibone icyo iheraho irema ibintu bikomeye dore ko uyu mugore yagiriwe neza biturutse ku tuvuta dukeya yari afite mu mperezo. Yabasabye gushaka icyo bazibutsa Imana batanga ituro ryo kuzubaka urusengero Itorero Umurage w’Abera Silowamu bitegura kuzubaka.

Aya materaniro yabayemo ubuhanuzi bukomeye Imana ivugana n’abantu bayo ibatumye ku muvugabutumwa Des Amis wanahanuriye Pasiteri Xavier ko mu rugo rwe hatazigera haburamo umuvugabutumwa (umuhanuzi).

Nkuko bisanzwe ku bakristu bose kwegera ameza y’umwami, nyuma y’aya materaniro hateganyijwe igaburo ryera nk’ikimenyetso cyo kuzirikana amaraso Yesu yavuye ku musaraba ndetse n’umubiri we washenjaguriwe ibyaha by’abari mu isi bose.

Birashoboka ko nawe waba ukeneye ko umukozi w’Imana Pasiteri UCIYIMIHIGO Xavier agusengera ukagirirwa neza n’Imana, wamuhamagara kuri iyi nomero ya Telefoni : 0788298348





Tanga igitekerezo kuri iyi nkuru



Igitekerezo