Korali  Amahoro ADEPR Remera yakumiriye bamwe kuzinjira muri Marriot Hotel mu gitaramo bise ‘Amahoro Iwacu Celebration 2017’

Korali Amahoro yongeye gusubukura ibikorwa bitandukanye yise “Amahoro Iwacu Celebration 2017” bigamije kubungabunga amahoro bizaherekezwa n’ibitaramo bikomeye mu rwego rwo gukomeza umurongo bihaye wo gutanga umusanzu wabo mu kubaka amahoro.

Imyaka 23 yose irashize Korali Amahoro ibayeho dore ko ariyo yagize uruhare runini mu murimo w’Imana ubwo umudugudu wa Remera watangiraga ubwo u Rwanda rwari ruvuye mu bihe bikomeye aho Imana yabahaye gutanga ubutumwa bw’amahoro.

PNG - 839.2 kb
Iyi ni Korali Amahoro yo kuri ADEPR Remera


Ni muri urwo rwego yongeye gutegura igitaramo bise “Amahoro Iwacu Celebration 2017’’, batangiye mu mwaka wa 2014 kuri ubu bakaba bongeye gusoza umwaka bibutsa abakunzi babo ijambo ry’ihumure.

PNG - 820.2 kb
Korali Amahoro yateguye igitaramo yise "Amahoro Iwacu Celebration 2017"


Mu bikorwa iyi Korali izwiho, ni ugutanga amahugurwa mu bikorwa by’isanamitima no kubakira inzu uwarokotse Jenoside utishoboye. By’umwihariko, kuri uyu wa gatanu muri Marriott Hotel bahategutiye igiterane kinini bise Amahoro Iwacu Celebration 2017 kitazatangira ku isaha ya saa 18h00 z’ umugoroba. Iki igitaramo kizitabirwa n’ abayobozi bakuru b’Itorero, abayobozi b’ amatorero atandukanye, imiryango ya Gikirisitu n’ibindi bigo byigenga , kwinjira bikaba bigenewe abafite ubutumire gusa bivuze ko utabufite atemerewe kuzahinjira.

Bukeye ku cyumweru tariki ya 31 Ukuboza 2017, iki gitaramo kizakomereza I Remera kuri ADEPR mu gitaramo kinini kizaba kuva saa kumi z’umugoroba, aho kwinjira bizaba ari ubuntu. Korali Amahoro izaba iri kumwe n’abahanzi batandukanye, New Melody n’ amakorari ya ADEPR Paruwasi ya Remera .

Umubavu. Com twegereye abakunzi b’iyi Korari dore ko ariyo benshi usanga ibagwa ku mutima bityo badutangariza ibyababaje cyane bavuga ko byari amahirwe bari bagize yo kwinjira muri Marriott Hotel.

Undi twaganiriye yadutangarije ko byari kuba byiza bicaranye nk’abayobozi b’iyi Korari bagashyiraho ibiciro runaka bityo abakunzi babo bakabasha kubyubahiriza ariko ntibakumirwe kwinjira mu gitaramo nk’iki.

Perezida wa Korari Amhoro, Ntakirutiman Zacharie aganira natwe we yagize ati: iyi Korali kuva muri 2014 yatangije ibi bikorwa mu ntego yo kwimakaza umuco wo gusigasira amahoro n’ibindi byiza byinshi Imana igenda igeza ku Rwanda n’Itorero muri rusange, bigakorwa binyuze mu nzira yo gushimira Imana intambwe imaze guteza Abanyarwanda muri rusange, no gukomeza gusabira igihugu umugisha.

Korali Amahoro yibanda ku gushimangira inzira y’Ubumwe n’Ubwiyunge abanyarwanda biyemeje kunyuramo, ikabikora ibinyujije mu bikorwa binyuranye birimo: Amahugurwa, ibiganiro mbwirwaruhame, ibikorwa bifatika by’urukundo, n’ibindi nk’ibyo nyuma bigasozwa n’ibitaramo binini byiswe “ Amahoro Iwacu Celebration”.

Muri Mata 1994, bamwe mu bari abaririmbyi bakoreraga uwo murimo mu Itorero ADEPR Remera barishwe ariko bake bashoboye kubona amahirwe yo guhungira muri Stade Amahoro, ndetse abandi na bo bahungira mu bihugu binyuranye bihana imbibe n’u Rwanda.

Nyuma gato ya Jenoside yakorewe abatutsi muri Mata 1994, abari basigaye bake barisuganije bakora Korali imwe ariyo nyuma gato yaje guhabwa izina rya “Korali Amahoro” kandi ihabwa ubutumwa bwihariye bwo gutanga ubutumwa bw’amahoro n’ihumure.

Akomeza avuga ko uko iminsi yagiye ishira bakomeje uwo murimo bahawe wo gutanga ubutumwa bw’amahoro hirya no hino mu bice binyuranye by’igihugu.

Abanyarwanda benshi bakomeje gufashwa mu rugendo rwo gukira ibikomere byo mu mutima, kwihana no gusaba imbabazi by’ukuri binyuze mu bihangano bya Korali Amahoro ndetse no mu bitaramo nk’ibi bityo iyi Korali itangira gutumirwa hirya no hino mu gihugu mu bikorwa byo kwamamaza ubutumwa bw’ amahoro n’ihumure bifasha abanyarwanda kugira icyizere cy’ejo hazaza n’ibyiringiro by’ubuzima bwiza.

Nyamara ariko aho Korali Amahoro yagiye ikorera ibikorwa nk’ibyo by’ivugabutumwa mu ndirimbo mu gihe amahoro yari atarasagamba mu gihugu ndetse hariho n’ibikomere byinshi, byabaye ngombwa ko indirimbo zongerwamo inyigisho z’isanamitima, ubuhamya bw’ihumure mu rugendo rwo gukira no kwiyubaka mu gihe abantu benshi basaga nkaho nta cyizere cyo kubaho bari bafite.

Iyi korali igizwe n’ abaririmbyi barenga 90 ikaba yiganjemo ingeri zose ikindi wamenya nuko imaze imyaka 23 yamamaza ubutumwa bw’ amahoro ahantu benshi hatandukanye tubibutse ko igitaramo “Amahoro Iwacu Celebration 2017” kizabera muri Marriott Hotel guhera saa kumi n’ ebyiri z’umugoroba.

Laurent USANZUMUHIRE/Umubavu.com





Tanga igitekerezo kuri iyi nkuru



Igitekerezo
Gatabazi Kuya 4-01-2018

Amahoro choir ndabakunda cyane mukomereze aho ahubwo n abandi babarebereho gusirimba no kubyina ibyuya bikaza sicyo gikenewe hakenewe ubutumwa bwo gusana no gukomeza imitima y abantu b Imana.

Singirankabo Kuya 4-01-2018

Choral Amahoro Imana ijye ibaha umugisha gusa ntakindi nabasabira kuko mufite umurimo ukomeye satani akunze kurwanya rero murasabwa imbaraga nyinshi ariko mwuka wera nabamanukira muzakora iby ubutwari.njye ntuye muri France ariko indirimbo zanyu hari umuvandimwe wazinyoherereje none ndi kuzumva ariko sinzihaga harimo ubutumwa bukomeye. Sinari mbazi ariko nabakunze cyane icyampa nkazanababona amaso ku maso

Migabo Kuya 3-01-2018

Manwe jya uvuga uziga wangu umugambi w Imana ni muremuree ntiwawivangamo ngo uzabivemo.Amahoro njye ndabakunda kuburyo ntabona uko mbivuga ndumwe mubantu bakize ibikomere byo ku mutima kubera indirimbo zanyu.twarikumwe muri serena 2014 ubu nsigaye mba muri canada.kandi iyo mutajya muri serena sinari kuzapfa nkize kuko kuva jenocide yarangira nari nararahiye ko ntazasubira murusengero urwo arirwo rwose.rero ababaca intege mubime amatwi ibyo n ibitero bya satani kuko Imana ntiba murusengero gusa ibera hose icyarimwe buriya wasanga hari umuntu wakize kuri uriya munsi nkuko nanjye nakize kandi ugasanga niwe Imana yashakaga.izo ndirimbo mushake uko natwe zitugeraho ahubwo.Murakoze mugire ibihe byiza.

Kizere Kuya 2-01-2018

Muvandwe Emmanuel ndabona utasomye neza inkuru kuko ntabwo bishyuje byaba aribwo bakumiriye abakene .ubutaha ujye ubanza usome wumve inkuru neza

Dusenge Bonaventure Kuya 2-01-2018

Imana ibaye umugisha kubwitange kdi umuhate wanyu si uwubusa Ku mwami kdi lmirimo y’abera izibukwa mukomereze aho!

Kagabo Kuya 2-01-2018

Emmanuel lmana ikubabarire cyane biriya bintu byari biteguye neza nuko ushobora kuba utarigeze uba mubintu nkabiriya iriya salle yakira abantu bake kandi abakiristo ba ADEPR urazi uko bangana ntibakwirwamo ubwo niba utarabonye invitation wagombaga kwihangana naho umwuka wera utangwa n’lmana kandi iwutangira aho ishakiye gutekereza ko mariott utahamanukira nimyumwire irihasi cyane ahubwo ufite umutima mubi uzihane

Jacques Irambona Kuya 1-01-2018

Buriya mureke mubyo dukora, dusoma tujye dusoma inkuru irangire, niba utararangije inkuru yose ufite ikibazo kabisa, le 31/12 nibwo igikorwa cyakorewe aho choral ibarizwa rero niba utarasomye byakabaye byiza utaretse guca imanza kandi utari we, Emmanuel be carefully banza ushishoze kabisa.

Jacques Irambona Kuya 1-01-2018

Buriya mureke mubyo dukora, dusoma tujye dusoma inkuru irangire, niba utararangije inkuru yose ufite ikibazo kabisa, le 31/12 nibwo igikorwa cyakorewe aho choral ibarizwa rero niba utarasomye byakabaye byiza utaretse guca imanza kandi utari we, Emmanuel be carefully banza ushishoze kabisa.

emmanuel Kuya 29-12-2017

Ibyo sivugabutumwa Nubwibone Buvanze Nubwiyemezi Ijambo ryimana Ntiriheza Yesu yavukiye Mukiraro Murwego rwokwicisha Bugufi Nabo bage bicisha Bugufi Nibwo bazemerwa Nimana Ntanubwo Umwuka Wera yaza Mubintu Nkibyo bikumira Abakene