Kenya: Polisi yataye muri yombi Umupasiteri usoma Bibiliya anywa inzoga ndetse anasomana

Uko iminsi igenda ishira indi iza, niko mu isi hagenda haduka ibintu bimwe bitigeze kubaho mu minsi ya kera, bimwe bikaza ari byiza, ibindi bikaza byitwa udushya nyamara bamwe bakabifatiraho bavuga ko ari ibihe by’iminsi ya nyuma. Kuri ubu Polisi yo mu gihugu cya Tanzania yataye muri yombi Umupasiteri wiyita umuhanuzi nyuma ya videwo yasakaye yerekana uwo mupasiteri arimo gusoma Bibiliya ananywera inzoga mu ruhame akanasomera umugore utari uwe mu maso ya rubanda akigisha ko ibyo byombi atari icyaha.

Komanda wa polisi mu Mugi wa Dodoma, yatangaje ko ibizami byo kwa muganga byagaragaje ko pasiteri Onesmo Machibya w’ imyaka 44 y’ amavuko afite ikibazo cyo mu mutwe.
Amashusho yafashwe kandi yerekana uyu mupasiteri uvuga ko bibiliya yemera gusambana no gusomana abyinana n’ umukozi aho avuga ko kusambana n’ umukozi nta kibazo kirimo.

PNG - 822.6 kb
Uyu mupasitori anywa inzoga anasoma Bibiliya


Polisi ishinja uyu mu pasiteri bahimba Nabii Tito kujya ahantu hateraniye abantu benshi nko mu tubari akigisha ibihabanye n’ umuco n’ amahame ya Tanzania.

Si Pasiteri Nabii Tito wenyine wigishije ko kunywa inzoga atari icyaha kuko no muri Afurika y’ Epfo mu mugi wa Johanesburg hari idini ribatiza abayoboke rikoresheje inzoga rikavuga ko inzoga yirukana amadayinoni. Iri dini rifite abayoboke bagera kuri 500 biganjemo abasinzi.

Reba Videwo yuzuye y’ibyo uyu mupasitori akora byose

https://www.youtube.com/watch?v=GaLk0jyo5XI

Daniel MUKESHIMANA/Umubavu.com





Tanga igitekerezo kuri iyi nkuru



Igitekerezo
Nshimiyimana Viateur Kuya 29-01-2018

Boss utumye nkuca amagezi ni ryari Tanzania yahindutse Kenya?